Perspectiva Independiente without background 001

Mike Eman: “Awendia no tin duda mas, nos mesun empresarionan ta inverti y kere den futuro di nos pais”

Mike-Comercio02Esey a keda demostra siman pasa na momento cu dos dia tras di otro, Prome Minister Mike Eman a atende eventonan caminda comerciantenan ta afirma nan presencia y habri tiendanan nobo den Caya Grandi di Oranjestad. E palabranan di nos Minister President a bin como seyo final despues cu e propio Director di Operacion di Aruba Aloe Balm, Koos Veel, a ilustra su posicion y esun di varios otro empresario riba nos isla, “E ta nos Caya Principal y ta nos responsabilidad pa yuda haci di nos caya principal, e miho destinacion posibel den Caribe.”

E compania productor, exportador, distribuidor y rebendedor di e productonan Aruba Aloe, a habri su di 15 tienda na Aruba y exterior, cu e locacion nobo den Caya G.F. Betico Croes diabierna ultimo. Esaki a tuma luga den presencia di Premier Eman, Minister di Turismo Otmar Oduber, President di MAMBO, Audrey Lacle, entre varios otro invitado special y prensa.

General Manager di Aruba Aloe Balm, Joshua Posner a conta cu ora cu e tabata bisa hende cu e ta bay habri un tienda den caya principal, e tabata haya e reaccion di “ningun hende ta bay den caya” of “warda un par di aña, wak con cos ta bay,” pero e semper a pensa otro. Refiriendo na e producto final cu Caya Grandi ta awe despues di e renobacion y mehoracion cu Gabinete Mike Eman I y II a haci, e ehecutivo comercial a bisa: “Mi ta encurasha boso tur pa ta orguyoso di loke nos tin aki. E ta un joya en berdad.”

Pa Premier Eman, e decision di Aruba Aloe Balm, no ta uno cu ta sorprend’e. El a indica cu for di su inicio, e compania tabata uno pionero den comercio di Aruba y e ta ripara cu aunke diferente generacion y directiva ta pasa, e curashi ta keda un constante den su maneho.

Prome Minister Mike Eman a remarca cu su Gobierno por tin un vision y traha hopi duro riba dje, pero na cierto  punto, e lo ta para eynan wardando pa e hendenan capitalisa riba dje. E ta contento di wak cu awo si empresarionan ta wak e oportunidad pa capitalisa. “Awendia no tin duda mas,” el a bisa. E mandatario a finalisa felicitando gerencia y personal di Aruba Aloe y pueblo di Aruba pa “un momento atrobe di hopi orguyoso y satisfaccion cu nos propio empresarionan ta tuma iniciativa pa inverti y kere den futuro di nos pais.”

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.