Perspectiva Independiente without background 001

Ministerio di Turismo: Aruba cu un oportunidad unico pa convence mas di 10 mil bishitante pa bolbe bek

160128 ministerioditurismo 2
Diaranson cayanan di Oranjestad tabata congestiona di e cantidad grandi di turistanan cu ta di bishita riba nos isla. Ta asina cu Aruba a conta cu no menos cu 5 barco crucero mara den nos waf. E barconan Princess, Monarch, Azura, Zenith y Celebrity Eclipse a conta cu mas of menos 10,587 pasahero y 4,852 miembro di tripulacion. Esaki ta traduci sigur na un fluho economico pa nos centro di ciudad y tur esnan cu ta depende di e bishitantenan aki.
Operadornan di tour ya caba for di oranan trempan tabata prepara y cla pa brinda nan servicio. Aunke por menciona cu ta hopi di e turistanan a opta pa haci nan compras prome cu nan a sali bay keiro y conoce nos isla.
Ministerio di Turismo a bin ta anticipa e cantidad grandi di turistanan crucero pa aña 2016. ATA na su turno a premira un crecemento di 8.6% di turismo crucero, compara cu 2015. Un cantidad importante mirando cu ta trata di turistanan cu tin e potencial pa bolbe bek Aruba pa un estadia mas largo. E impresion cu nos ta duna nan riba e dia cu nan ta bishitando nos ta uno di suma importancia.
Gobierno di Aruba a percura pa mehoracion infrastructural elevando asina tambe e Producto Aruba cu un cantidad di proyecto. Banda di e impresion cu e turistanan aki ta haya den nos centro di ciudad a percura tambe pa mehoracion di varios beachnan cu tur e facilidad necesario pa baha e presion dilanti e hotelnan. Pero banda di tur esaki e punto primordial ta keda nos hendenan amabel y cordial. Nos mester mantene esaki pa sigura un experiencia inolvidabel pa nos bishitantenan.
Varios ta e turistanan cu a comenta cu locual nan gusta mas di Aruba sigur ta nos localnan, y sin pensa dos biaha sigur nan ta cla pa bolbe bishita nos.
160128 ministerioditurismo 1

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.