Perspectiva Independiente without background 001

Booshi Wever (UPP): Iniciativa di cambio di nos ley di eleccion pa incorpora asunto di secuencia di voto ta conta cu sosten di UPP. Tambe mester inclui sistema di restzetel

UPP01 audio

UPP a tuma nota di un pensamento cu parlamentario Dangui Oduber a bini cu ne encuanto di cambio di nos ley di eleccion pa loke ta trata e asunto di secuencia di voto. Nos di UPP ta agradablemente sorprendi cu esaki, ya cu cu ta un topico cu for di prome cu eleccion di 2013 nos partido a bin ta papia riba esaki y incluso tabata parti di nos programa di partido pa eleccion 2013 y cu nos a bolbe ripiti den nos programa 2017.
 
Vison di partido UPP ta cu nos mester crea un comunidad cu ta brinda tur nos ciudadanonan e oportunidad pa desaroya su mes y contribui na su comunidad. Pesey e fortaleza di nos nacion ta den nos hendenan. Tambe nos ta propaga den nos vision un comunidad cu ta carga su responsabilidad, cu ta tuma e timon di su propio desaroyo, cuidando su cultura, norma- y balornan, mescos cu su medio ambiente. Un comunidad basa riba solidarismo y participacion activo di nos ciudadania. Pa por logra e comunidad aki un di puntonan di salida di UPP na su lantamento ta sostene democratisacion di e comunidad y e sistema politico. Haciendo esaki nos ta protege e fundeshi democratico y e estado di derecho, promoviendo transparencia, bon gobernacion, interes y consenshi politico. Esaki nos por haci pa medio di mehoracion, renovacion y reformacion di nos sistema di gobernacion, na unda e ciudadano critico ta sintie involvi, proveyendo asina un sociedad democratico y duradero, na unda cu no tin lugar pa e cultura di miedo.
 
Cu e punto di salida aki den mente, nos a pone den nos programa di partido yama “Proyecto Nos Patria”, bou di e capitulo di Good Governance, cu mehoracion di nos democracia y estado di derecho ta esencial, si nos kier wak cambio positivo aki na Aruba. UPP a bisa tambe cu hustamente pa e motibonan aki nos lo sostene cualkier intento di democratisacion di nos comunidad y e sistema politico.
Na 2013 UPP a propone pa cambia aspecto di numeracion riba y lista y bin cu e asunto di secuencia di voto of number riba lista, cu ta un cambio hopi liviano den nos ley electoral, pero cu un embergadura democratico y representativo pa nos parlamento y comunidad. UPP den su programa a bisa di opta pa cambio di ley electoral, unda ta elemina e secuencia di number pa candidatonan cu ta bai riba un lista y na mesun momento determina cu ta segun secuencia di voto di e candidato riba lista, ta drenta parlamento. Pues sin duda nos di UPP ta sostene e proposicion aki totalmente. Esaki ta un sistema cu ya caba ta funciona otro camindanan den Reino. 
 
Mirando cu riba su mes ta un cambio chikito, UPP kier a haci un sugerencia na parlamentario Oduber pa trata tambe na mesun momento e sistema di restzetel. Esaki tambe ta un cambio cu UPP a vocifera na 2013 caba, cu ta evita cu votonan di partidonan cu no a alcansa e “kiesdeler”, ta bai perdi. E proposicion ta pa despues di a determina e asientonan completo segun e “kiesdeler”, e restzetelnan tambe wordo comparti cu e partidonan cu no a alcansa asiento, dor di laga nan participa den e reparaticion matematico cu sigui despues. Esaki ta haci tambe cu ciudadanonan cu ta sostene e partidonan aki, sinti cu nan votanan ta bal y ta haci e participacion civico mas grandi. Den e sistema aki tambe ta evita cu e restzetel ta bai pa partidonan mas grandi, fomentando asina gobernacion di mayoria absoluto ficticio, pero cu lo goza di e mayoria absoluto berdadero. Pues e partidonan cu no a haya asiento lo participa den e ronda di “restzetel” of por medio di “reststemmen”. E sistema aki ta wordo aplica na Boneiro, pues lo no tin mucho trabou den realisacion di e cambio di ley aki tambe. E cambionan aki por wordo haci relativamente facil ya cu tin legislacion caba den Reino y como parlamentario sr. Oduber por bin cu un proposicion pa entrega un ley di iniciativa.
 
Un otro aspecto, cu kizas si mester mas profundidad, pero cu UPP ta bin cu ne den nos programa di partido 2017, ta esun di eleccion separa. For di comunidad nos a ripara tambe hopi discusion riba e asunto aki y sigur nos kier mira e punto aki atendi den un siguiente constelacion di Parlamento. Esaki den e marco mas grandi di nos reforma di nos sistema di gobernacion y di representacion democratico. 
Pues UPP sigur lo duna e sosten necesario na dicho cambionan y si ta necesario nos ta dispuesto pa duna un man den preparacion di e ley aki prome cu eleccion venidero. Apesar UPP ta lamenta si, cu despues di mas cu 2 aña, cu UPP por medio di un documento yama “Compromiso Nacional” a entrega sigur na partidonan di oposicion na september 2014, na unda cu e puntonan aki ta menciona, como proposicion pa nos mehora nos sistema democratico y crea cofianza serca e pueblo, e tempo ey no a wordo tuma na serio dor di ningun di partidonan di oposicion cu a presenta. Pero manera e dicho ta bisa, mihor laat cu nunca, y nos ta satisfecho cu e.o. e punto aki di secuencia di voto ta hayando su atencion y ohala esun di “restzetel” tambe.
 
 
Lider di UPP
C.A.S.D. Wever
14 december 2016

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.