Perspectiva Independiente without background 001

Angel Bermudez: Conseho Fiscal ta ideal pa supervision financiero di Gobierno

Durante luna di Augustus ultimo Gobierno a concretisa e decision pa un mehoracion y refuerso di henter e aparto administrativo financiero sin laga afo e dominio di tur e fluhonan financiero di departamento di finanzas mediante un conseho fiscal.

Minister di Finanzas sigur a incorpora e punto aki den e presupuesto 2015 pero di otro banda den e presupuesto supletorio 2014 tambe a menciona e institucion di dicho conseho fiscal cu lo reenforsa e departamento den diferente tereno asina cu esaki keda legalisa.

Un total di 3 experto lo forma parti di e conseho fiscal aki, no solamente pa supervisa e presupuestonan futuro asina cu nan wordo crea y na momento cu ehecucion cuminsa tuma luga pero tambe pa keda vigila durante aña cu e realisacion di e presupuesto permanece dentro di e limitenan segun cu e la wordo aproba.

Minister Bermudez ta garantisa cu aki ta papia di un supervision hopi mas di cerca y estricto pa loke ta trata henter e maneho financiero di Gobierno. Di mesun forma e mandatario ta splica cu lo evita cu bo tin un exceso den gastonan cu ta wordo haci pero tambe di otro banda un fenomeno cu por observa di e ultimo 10 añanan, cu ta wordo cobra loke mester wordo cobra pa e parti di entrada di presupuesto.

Segun e mandatario un parti grandi di e problemanan cu nos ta enfrentando ta cu den curso di hopi aña tin varios cobransa cu no a tuma luga, consecuentemente departamento di impuesto ta carga un debe grandi cu si den un principio e la wordo cobra manera mester ta nos lo ta miho para den comparacion cu e situacion actual.

Por lo tanto e siguiente plan ta optimalisa e cumplimento cu e pagonan cu tin pendiente pa asina cuminsa na elimina e suma grandi cu tin riba caya y na mes momento drecha e situacion financiero di Aruba.

Despues di a participa na e reunion anual di Banco Mundial/IMF y diferente reunion na Washington, e mandatario acorda cu IMF un seminario riba Conseho Fiscal cu nan lo realisa entrante luna di November. E conseho fiscal sigur ta existi na varios pais rond mundo caba pero den cada un den diferente forma, caminda nan ta monitoria, aproba, desaproba y den cierto ocasion inclusive sanciona Gobierno riba nan maneho financiero, pues aki ta papia di un autoridad cu por aporta grandemente na e sistema di Gobierno y na mes momento proteha e pueblo di un exceso di gasto riba e presupuesto tambe.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.