‘RAIZ lo hiba oposicion pafo di Parlamento a base di principio y vision’

(Tempo pa lesa: 5 - 9 minuut)
UrsellArends01
No ta usual cu un partido cu no a logra asiento ta wordo considera como un di e ganadonan di eleccion. Den e caso di RAIZ, hopi ta considera nan resultado di 2.107 voto un victoria. Especialmente teniendo bista riba futuro.
ArenaPoliti.co a aserca e lider di RAIZ, sr. Ursell Arends, pa haci pregunta tocante nan campaña, kico nan lo haci pa sigui crece como partido y cua tres plan di RAIZ nan kier wak den e plan di gobernacion di e siguiente gabinete cu lo goberna Aruba.

Kico di e campaña pa eleccion 2017 a bay manera bo a spera, y kico a bay diferente cu bo a spera? 
“Pa nos di RAIZ e campaña a bay manera nos ta desea y a sa di cumpli cu nos vision y mision pa transforma politica. Den un total di 77 dia nos a logra suma un total di 2107 voto. Esaki ta un logro grandi den nos bista, mirando cu esaki ta significa un total di 27 voto pa dia. Desde cu nos a lansa plataforma RAIZ dia 7 juli, 2017, nos a informa cu nos ta sali pa sembra un politica nobo basa riba respet mutuo, union y amor. Pa nos di RAIZ e sentido inmenso di amor ta amor pa naturalesa, amor pa humanidad, amor pa husticia y amor pa berdad.

Nos a logra colecta un gran cantidad di data for di diferente gruponan strategico den comunidad di sindicato, docente, studiante te cu pensionado, durante eleccion 2017 cu sigur lo haya bon uso pa asina nos ta miho prepara pa e siguiente eleccion. Pa RAIZ e satisfaccion di mas grandi ta pa a logra conscientisa e pueblo y demostra cu tin un otro forma pa hiba politica. RAIZ a trece un speransa bek, pa medio di un formula nobo, den diferente generacion cu politica por ta posibel di un otro forma cu a conoce te cu awo. Esaki a trece cune un aliento nobo cu por haci cosnan di un otro manera y toch ta exitoso.
Pa RAIZ e satisfaccion di mas grandi ta pa a logra conscientisa e pueblo y demostra cu tin un otro forma pa hiba politica.”

Formula nobo di politica cu nos di RAIZ a implementa no ta inclui propaganda politico tradicional manera; sticker, borchi, bandera y tampoco t-shirts. Nos ta kere cu politica mester ta basa riba contenido y no riba un formula di polarisa of dividi un pueblo of yena wowo di hende cu material.

Loke a bay diferente cu nos di RAIZ a spera ta cu aunke nos no a logra ricibi e cantidad di voto pa un tin representacion den parlamento (kiesdeler), nos a logra gana e respet di e pueblo di Aruba. Pa nos di RAIZ ricibi e respet di e pueblo di Aruba ta hopi mas importante cu a logra asiento den nos prome eleccion.”
Pa nos di RAIZ ricibi e respet di e pueblo di Aruba ta hopi mas importante cu a logra asiento den nos prome eleccion.”

RAIZ a logra basta voto, pero no suficiente pa un asiento. Kico tur RAIZ ta bay haci pa sigui crece? 

“Despues di cada resultado mester bin un momento di evaluacion profundo interno; kico a bay bon, kico a bay fout y kico por bay miho. Tin hopi aspecto cu mester traha ariba dje pa por yega na un miho resultado den futuro.

Un otro aspecto importante ta “werving en selectie”. RAIZ ta sinti un compromiso grandi pa berdaderamente motiva y inspira otro hobennan, cu kizas e biaha aki no a sinti cu nan ta cla pa join, pa siguiente biaha si nan forma parti di nos ekipo. E forma cu kier logra esaki ta door di laga nan participa den un fase mas trempan y yuda forma politiconan, pa medio di un “academia politico” y asina mehora tur hende nan percepcion pa politica dunando contenido y sabiduria y enseñanzanan valioso for di expertonan cu lo guia nos den nos crecemento politico.
… e pueblo di Aruba por spera cu RAIZ lo hiba oposicion pafo di parlamento, pero naturalmente esaki lo keda a base di nos principio y vision.”

Actualmente nos ta trahando riba nos structura interno, den 77 dia hopi cos a pasa riba un speed, cu nos no por a logra structura e partido y movimiento manera nos a desea. Nos ta consciente cu unico forma cu nos lo por sigui crece ta atravez di nos structura moderno cu nos lo implementa.

Alabes e pueblo di Aruba por spera cu RAIZ lo hiba oposicion pafo di parlamento, pero naturalmente esaki lo keda a base di nos principio y vision. Nos lo keda haci uso di nos coneccion cu pueblo pa asina sigui informa, inspira y educa pa forma ciudadanonan, critico, cu sentido civico, creativo, productivo, pa hunto nos participa di un forma constructivo pa forma parti di un comunidad responsabel.”

Si bo por a inclui tres plan di RAIZ den e programa di gobernacion di e siguiente gabinete cu lo goberna Aruba, cua tres plan esey lo ta? 
“Tres plan di RAIZ su programa cu nos lo kier implementa den e siguiente gabinete cu lo goberna nos pais: 

1. Ministerio di Integridad
RAIZ ta e unico partido cu a propone un Minister di Integridad. Otronan a menciona integridad, pero esey nan ta haci tur eleccion. Uno a menciona un dienst di integridad, pero esey ta un instancia bou di un minister, dus minister por pasa ariba di dje at any time.

Integridad: Ta trata control di e uzo corecto y legal di fondonan publico. Den proceso di gasta fondonan publico tin 4 momento cu por controla integridad.
  1. Momento cu ta prepara begroting (Gobierno)
  2. Momento cu ta presenta y pasa begroting (Staten)
  3. Momento cu ta ehecuta e begroting (uitvoering = Gobierno)
  4. Momento di duna cuenta (Jaarrekening)
RAIZ kier mira instancianan di control den tur 4 momento;
1) Prepara Begroting: akinan mester amplia participacion y tambe introduci un begrotingskamer (instancia cu ta haci analysis di locual gobierno ta propone)
2) Presenta y pasa Begroting: Staten mester ta mas critico y tuma e rol di CAFT durante e processo aki.
3) Ehecuta: Uitvoering…..Esaki ta rol di minister di integridad.
Checklist den ministerraad pa Min. Integriteit toets tur decision di su colega ministers.

  1. Doeltreffendheid
  2. Doelmatigheid
  3. Rechtmatigheid (Legal)
  4. Budgettaire consequenties
4) Controla: Fortalese e instancianan ARA, CAD y CAFT pa nan por ta envolvi mas tempran den e proceso.
171008 candidatonan raizCandidatonan di RAIZ (links pa rechts): Raymond Kamperveen, Lisette Gomes, Ursell Arends, Liliana Braamskamp-Erasmus, Tai-Foo Lee. 

2. NATURALESA “Rights of Nature”

Mester cuminsa inmediato e proceso pa transforma Parke Nacional Arikok den Aruba National Park pa maneha y proteha tur areanan di naturalesa rond Aruba, incluyendo nos Parke Marino, cu ta consisti di henter e lama rond di nos isla. Mientras ta warda riba e ley nobo, ta cuminsa informa tur instancia di Gobierno di e intencion aki y cu nan no por coopera cu proyectonan cu por ta den violacion di esaki.

RAIZ kier amplia nos ROP (Ruimtelijk Ontwikkelingsplan) cu regulacion pa Aruba por keda un isla habitabel, unda construccion ta posibel solamente si e ta acuerdo na e destinacion (bestemming) di e tereno. Esaki mester incera tambe un Moratorium riba Hotel y Condominium Development.
Introduci ‘Rights of Nature’ den nos constitucion pa di e forma aki proteha nos areanan di naturalesa den nan totalidad, sin excepcion politico.”

Introduci “Rights of Nature” (derecho di naturalesa) den nos constitucion pa di e forma aki proteha nos areanan di naturalesa den nan totalidad, sin excepcion politico. Esaki ta inclui un lista di Flora y Fauna cu ta protegi, publicamente conoci y ta involucra tur nos NGO’s local.

Introduci un “Nature Protection Levy” cu turismo ta contribui na dje pa asina Aruba por educa su hendenan ariba e importancia di nos medio ambiente for di e edad mas hoben bay ariba.

Den cuadro di esaki tambe ta inclui DUMP como un tema di NATURALESA y di biaha ta tuma pasonan pa atende cu esaki.

3. Finansas Publico
Mirando cu esaki ta un challenge grandi pa e proximo gobernacion, nos ta propone e proximo gobierno pa considera implementa RAIZ su financial paragraph presenta dia 15 september 2017. Den 31 anja di pais Aruba, RAIZ den un tempo sumamente corto di exsistencia a bira e prome partido politico pa presenta un financial paragraph.
RAIZ su Finanical paragraph titula “The Aruba Recovery Program” ta ilustra claramente con nos gobierno por atende cu e situacion financiero critico di pais Aruba den un forma responsabel y realistico sin cu mester bay den saco di pueblo pa tuma medida of ahustacion.”

RAIZ su financial paragraph titula “The Aruba Recovery Program” ta ilustra claramente con nos gobierno por atende cu e situacion financiero critico di pais Aruba den un forma responsabel y realistico sin cu mester bay den saco di pueblo pa tuma medida of ahustacion.

Esaki tambe lo haci cu nos lo cumpli cu e normanan acorda cu madre patria Hulanda pa loke ta budget di pais Aruba pa 2018 cu ta un criteria importante cu Hulanda kier wordo realiza pa mehora e relacion di confianza (halveer e debe nacional di 80 pa 40% di GDP). Pa logra esaki nos mester baha e gastonan di pais Aruba, pone nos aparato traha den un forma eficiente, ATA pa 2018 lo mester contribui cu un suma substancial pa asina pais Aruba por logra cubri e debenan di proyecto di PPP cu mester cuminsa paga bek na 2018.

Introduci un fixed budget pa cada bureau di minister te cu un suma maximal di 1.5 miyon. Di e forma aki pais Aruba lo reduci su debe cu un total di 22.5 miyon. Pa sigui baha gasto di gobierno, mester propone un plan tambe di “mergers and acquisition”. Di e forma aki nos lo aumenta eficiencia di nos aparato y reduci nos gasto nan structuralmente.” 


Klik aki pa down RAIZ su finanical paragraph completo titula “The Aruba Recovery Program”

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

mail@arenapoliti.co

 

Advertising:

ads@bps.media

x

 

Inscribi pa ricibi un resumen semanal di e articulonan mas impactante.