Mike Eman vs. Xiomara Maduro: Debe, deficit y crecemento economico
Despues cu Presupuesto 2016 a keda aproba dia 8 di februari, cu 11 voto na fabor y 10 contra, e bataya pa convence pueblo ken tin rason a sigui den prensa. Den e articulo aki ArenaPoliti.co ta trece pa dilanti varios argumento cu a wordo haci door di entre otro, Prome Minister Mike Eman y Xiomara Maduro, parlamentario di MEP.
PA ACLAMACION
Prome Minister Mike Eman a argumenta cu Raad van Advies ta premira cu Gobierno di Aruba 'lo alcansa y surpasa e meta pa reduccion di deficit'. Esaki despues di a hereda un pais den crisis na 2009, segun Mike Eman.
Ta cita pagina 14 di e rapport di Raad van Advies caminda ta indica cu e deficit lo wordo reduci te cu 1.7% di PDB (Producto Domestico Bruto / GDP) na 2016. Segun sr. Eman, "Bo por tin otro opinion politico, pero ora cu Raad van Advies bisa cu Gobierno tabatin e capacidad di reduci e deficit di 9.7% pa 3.7% pa bou di 2%; pa aclamacion nos mester aproba e presupuesto aki!"
Mientras cu Mike Eman a expresa cu e maneho di Gabinete ME II a "saca Aruba for di e crisis financiero, pero tambe a trece stabilidad", Xiomara Maduro (MEP) a enfoca riba crecemento economico di pais Aruba. Segun e analisis di e parlamentario, e maneho di Gabinete Mike Eman II a faya. Maduro ta argumenta esaki mustrando riba e "redoblacion di e debe, stancamento di nos economia y entrega di e autonomia financiero na supervicion di Reino via e ley di CAFT."
Segun Xiomara Maduro, citando cifranan di Banco Central, ambos Gobierno (MEP 2005-2009 y AVP 2010-2014) a inverti mesun hopi, mas o menos 1.5% di Aruba su PDB (GDP) anualmente. Xiomara Maduro ta splica cu e diferencia entre e gobiernonan di MEP y AVP, ta cu "awor nos Pais tin un debe redobla sin cu a usa e placa aki pa inverti na grandi".
"CFT den su cuenta anual di 2014 riba pagina 18 tambe a remarca cu "de overheid heeft nauwelijks geïnvesteerd" confirmando locual e cifranan di Banco Central ta indica." - Xiomara Maduro
Segun parlamentario Xiomara Maduro ta danki na inversion di sector priva e economia di Aruba a crece. Cifranan di Banco Central ta mustra cu den ultimo 5 aña, sector priva a inverti un average di 1117 miyon florin y cu esaki ta 16.5 biaha mas hopi cu Gabinete Mike Eman a inverti. Maduro ta conclui cu e ponencia di Gabinete Mike Eman cu e maneho di inversion lo a conduci na crecemento economico "no ta cuadra cu berdad." Pues segun e parlamentario di MEP, no tin manera pa hustifica e debe cu Gabinete ME a crea.
PROSPERIDAD
Segun Xiomara Maduro e maneho di Gabinete Mike Eman a pone cu prosperidad di pueblo en general a bay atras. Maduro ta mustra con Gabinete Mike Eman a crea un debe y un deficit "nunca antes bisto" y cu despues a aplica medidanan riba pueblo pa asina por yega na fondo pa por cubri e gastonan cu Gobierno mes a crea. Segun Xiomara Maduro, e resultado di e maneho di Gabinete Mike Eman ta cu pueblo a sali perdi.
Segun Xiomara Maduro e maneho di Gabinete Mike Eman a pone cu prosperidad di pueblo en general a bay atras. Maduro ta mustra con Gabinete Mike Eman a crea un debe y un deficit "nunca antes bisto" y cu despues a aplica medidanan riba pueblo pa asina por yega na fondo pa por cubri e gastonan cu Gobierno mes a crea. Segun Xiomara Maduro, e resultado di e maneho di Gabinete Mike Eman ta cu pueblo a sali perdi.
REFINERIA LO YUDA RAFINA FINANSAS
Sinembargo Gabinete ME II ta keda 'on message'. Tocante e posibel reapertura di e refineria na San Nicolas, Mike Eman ta hopi positivo. Eman a laga sa cu ta spera entrada for di e reapertura na 2016. Specificamente, Mike Eman a laga sa cu lo tin "casi 200 miyon florin extra di entrada den 2016." Segun Eman, no a inclui cifranan acerca di e refineria den e presupuesto pero si a menciona e refineria den e texto. Gabinete Mike Eman lo a haci esaki "deliberadamente pa ta mas conservativo posibel."
DEFICIT vs. DEBE
Ta parce cu sr. Eman y sra. Maduro ta papia 'langs elkaar heen'. Un ta enfoca riba deficit, e otro riba debe. Pero ta bon pa compronde cu deficit financiero y debe nacional no ta sinonimo. E placa cu bo falta den bo cartera ora fin di luna yega, no ta mescos cu e debe cu bo a acumula durante di añanan anterior (cas, auto, prestamo bancario). Una bes cu bo sacrifica tur luna, reduci bo deficit, y yega na tin mas stabilidad financiero, bo lo yega na un surplus fin di luna. Pero, embes di usa esaki pa cosnan 'leuk' (inversion duradero), lo bo tin cu cuminsa paga bek e debenan cu tin pa esakinan no sigui crece. Pues, un debe grandi ta keda un peso financiero cu ta stroba inversion. No solamente pa e gobierno actual, pero tambe pa esunnan cu lo sigui.
Parlamentario Maduro ta culpa Mike Eman di a laga e interes riba e debe keda acumula, splicando cu na 2015, segun Raad van Advies, 17,4% di entrada di Aruba (un suma di 200 miyon florin pa aña) a bay na gasto di interes.
UN CUESTION DI INTERPRETACION, PERSPECTIVA, OF MANIPULACION?
E deficit di presupuesto 2015, segun palabracion cu CAFT, mester a keda bou di 3.7%, pero a resulta di ta 2%. Xiomara Maduro ta splica cu esaki ta danki na "cobransa feroz" di 85.1 miyon florin na belasting atrasa y e VAS (Voldoening op Aangifte Systeem) cu a pone cu comerciantenan a paga winstbelasting adelanta, resultando den 74,8 miyon florin extra cu no a wordo premira.
Recientemente parlamentario Maduro tambe a mustra riba un discrepancia entre e cifranan cu Gobierno a presenta como deficit di aña 2015, y e cifranan presenta pa Banco Central. Segun Maduro, sr. Eman a bolbe "tuma CFT haci cu triki di cifra", mustrando riba e diferencia entre 98 miyon Florin (deficit segun GMEII) y 201.6 miyon Florin (deficit segun Banco Central). Un diferencia cu lo pone e deficit pa aña 2015 mas halto cu e palabracion cu CAFT di 3.7%.
Durante un conferencia di prensa, presidente di CFT sr. Age Bakker tambe a menciona cu tin discrepancia entre cifra y a laga sa cu Banco Central ta traha 'op kas basis', mientras CFT ta traha 'op transactie basis'. Diferente sistema cu segun sr. Bakker, por resulta den diferencianan considerabel den cifra.
Segun parlamentario Maduro, "semper sa tin un diferencia den e manera cu Gobierno y Banco Central ta presenta nan cifranan, pero como cu nunca e diferencia tabata asina grandi e ta bira algo cuestionabel."
Pa loke ta trata presupuesto 2016, Mike Eman ta orguyoso cu Aruba a logra mantene un deficit presupuestario di 2%. Segun Eman, no solamente a saca Aruba for di e crisis financiero pero tambe a trece stabilidad. Mientras cu e deficit ta mustra di ta bahando, Xiomara Maduro ta critica Gabinete Mike Eman di a hinca Aruba den un 'megadebe' y cu te hasta a entrega autonomia financiero di Aruba den man di Hulanda (CAFT), sin cu esaki a produci resultado pa pueblo.
UNDA E PLACA A BAY?
Cu nos debe nacional a subi den un forma acelera bou di Gabinete Mike Eman I y II, no ta wordo cuestiona. E diferencia den argumento entre sr. Eman y sra. Maduro ta cu segun Prome Minister Eman tawata necesario pa crea mas debe pa stimula nos economia den un tempo di crisis, mientras cu segun parlamentario Maduro, apesar di a crea debe acelera, Gabinete Mike Eman no a inverti mas cu Gabinete Oduber IV, y cu ta danki na inversion di sector priva nos economia a crece.
Un otro diferencia ta cu mientras sr. Eman ta orguyoso cu e deficitnan ta bahando, sra. Maduro ta relata esaki na cobransa adelanta di impuesto, entrada incidental, y aplicacion di medida riba pueblo pa yega na mas fondo.
Pa haya sa si tawata 'bale la pena' pa crea un debe den forma acelera, preguntanan crucial ta 'unda e placa a bay, y con pueblo a beneficia di esaki?' E contesta completo bo no lo haya door di core rond y wak kico a y ta wordo construi. Por ehempel, diferente proyecto ta public-private partnerships (PPP) cu no ta calcula den e debe actual. Y acumulando gastonan di proyectonan 'cu bo por wak', hunto cu gasto manera reparatie toeslag, ainda bo no lo yega na e nivel di e debe cu a wordo crea den e mesun tempo. Especialmente si tene cuenta cu entradanan di medidanan nobo. Di otro banda, si e debe a wordo crea pa motibo di inversionnan cu ta duna resultado, cu tempo pueblo lo beneficia y ripara esaki. Nos no mester wak mucho leu pa por mira ehempelnan di otro pais di ambos scenario. Time will tell.
DEFICIT vs. DEBE
Ta parce cu sr. Eman y sra. Maduro ta papia 'langs elkaar heen'. Un ta enfoca riba deficit, e otro riba debe. Pero ta bon pa compronde cu deficit financiero y debe nacional no ta sinonimo. E placa cu bo falta den bo cartera ora fin di luna yega, no ta mescos cu e debe cu bo a acumula durante di añanan anterior (cas, auto, prestamo bancario). Una bes cu bo sacrifica tur luna, reduci bo deficit, y yega na tin mas stabilidad financiero, bo lo yega na un surplus fin di luna. Pero, embes di usa esaki pa cosnan 'leuk' (inversion duradero), lo bo tin cu cuminsa paga bek e debenan cu tin pa esakinan no sigui crece. Pues, un debe grandi ta keda un peso financiero cu ta stroba inversion. No solamente pa e gobierno actual, pero tambe pa esunnan cu lo sigui.
Parlamentario Maduro ta culpa Mike Eman di a laga e interes riba e debe keda acumula, splicando cu na 2015, segun Raad van Advies, 17,4% di entrada di Aruba (un suma di 200 miyon florin pa aña) a bay na gasto di interes.
UN CUESTION DI INTERPRETACION, PERSPECTIVA, OF MANIPULACION?
E deficit di presupuesto 2015, segun palabracion cu CAFT, mester a keda bou di 3.7%, pero a resulta di ta 2%. Xiomara Maduro ta splica cu esaki ta danki na "cobransa feroz" di 85.1 miyon florin na belasting atrasa y e VAS (Voldoening op Aangifte Systeem) cu a pone cu comerciantenan a paga winstbelasting adelanta, resultando den 74,8 miyon florin extra cu no a wordo premira.
Recientemente parlamentario Maduro tambe a mustra riba un discrepancia entre e cifranan cu Gobierno a presenta como deficit di aña 2015, y e cifranan presenta pa Banco Central. Segun Maduro, sr. Eman a bolbe "tuma CFT haci cu triki di cifra", mustrando riba e diferencia entre 98 miyon Florin (deficit segun GMEII) y 201.6 miyon Florin (deficit segun Banco Central). Un diferencia cu lo pone e deficit pa aña 2015 mas halto cu e palabracion cu CAFT di 3.7%.
Durante un conferencia di prensa, presidente di CFT sr. Age Bakker tambe a menciona cu tin discrepancia entre cifra y a laga sa cu Banco Central ta traha 'op kas basis', mientras CFT ta traha 'op transactie basis'. Diferente sistema cu segun sr. Bakker, por resulta den diferencianan considerabel den cifra.
Segun parlamentario Maduro, "semper sa tin un diferencia den e manera cu Gobierno y Banco Central ta presenta nan cifranan, pero como cu nunca e diferencia tabata asina grandi e ta bira algo cuestionabel."
Pa loke ta trata presupuesto 2016, Mike Eman ta orguyoso cu Aruba a logra mantene un deficit presupuestario di 2%. Segun Eman, no solamente a saca Aruba for di e crisis financiero pero tambe a trece stabilidad. Mientras cu e deficit ta mustra di ta bahando, Xiomara Maduro ta critica Gabinete Mike Eman di a hinca Aruba den un 'megadebe' y cu te hasta a entrega autonomia financiero di Aruba den man di Hulanda (CAFT), sin cu esaki a produci resultado pa pueblo.
UNDA E PLACA A BAY?
Cu nos debe nacional a subi den un forma acelera bou di Gabinete Mike Eman I y II, no ta wordo cuestiona. E diferencia den argumento entre sr. Eman y sra. Maduro ta cu segun Prome Minister Eman tawata necesario pa crea mas debe pa stimula nos economia den un tempo di crisis, mientras cu segun parlamentario Maduro, apesar di a crea debe acelera, Gabinete Mike Eman no a inverti mas cu Gabinete Oduber IV, y cu ta danki na inversion di sector priva nos economia a crece.
Un otro diferencia ta cu mientras sr. Eman ta orguyoso cu e deficitnan ta bahando, sra. Maduro ta relata esaki na cobransa adelanta di impuesto, entrada incidental, y aplicacion di medida riba pueblo pa yega na mas fondo.
Pa haya sa si tawata 'bale la pena' pa crea un debe den forma acelera, preguntanan crucial ta 'unda e placa a bay, y con pueblo a beneficia di esaki?' E contesta completo bo no lo haya door di core rond y wak kico a y ta wordo construi. Por ehempel, diferente proyecto ta public-private partnerships (PPP) cu no ta calcula den e debe actual. Y acumulando gastonan di proyectonan 'cu bo por wak', hunto cu gasto manera reparatie toeslag, ainda bo no lo yega na e nivel di e debe cu a wordo crea den e mesun tempo. Especialmente si tene cuenta cu entradanan di medidanan nobo. Di otro banda, si e debe a wordo crea pa motibo di inversionnan cu ta duna resultado, cu tempo pueblo lo beneficia y ripara esaki. Nos no mester wak mucho leu pa por mira ehempelnan di otro pais di ambos scenario. Time will tell.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...