Perspectiva Independiente without background 001

Fitch ta mantene e rating di Aruba na BBB- cu perspectiva stabiel

160427 fitch
Dia 26 di april Fitch Ratings a afirma e long-term foreign and local currency Issuer Default Ratings (IDRs) di Aruba na BBB-, cu un perspectiva stabiel. Segun Fitch, Gabinete Mike Eman II ta progresando pa loke ta trata finansas publico. E debe di pais Aruba ta creciendo menos lihe, mientras cu e debe ainda ta halto pa e categoria ‘BBB’. Fitch ta pronostica cu debe en comparacion cu nos GDP lo stabilisa na 2017. 

Supervision 
Fitch ta di opinion cu e supervicion financiero di Hulanda por medio di CAft a duna un impulso na mehoracion di nos situacion di debe y deficit presupuestario. Segun Fitch e mehoracion ta debi mastanto na mas entrada pa gobierno y no na reduccion di gasto. Aki Fitch ta referi na e entradanan genera pa e areglo di VAS y aumento di BAZV. 
Fitch tambe ta referi na e posibilidad cu gobierno lo introduci un financial transactions tax y un expenditures tax (ABB). 

Economia 
Fitch ta positivo pa loke ta trata turismo den aña 2015 y ta premira cu turismo lo sigui den e mesun trend pa aña 2016. E crecemento di nos GDP ta keda zwak pa e categoria ‘BBB’, y economia a crece cu solamente 0.1% na 2015, segun Fitch pa motibo di un consumo abou y gastonan di gobierno.
 
Expectativa di Fitch ta cu crecemento economico lo ta 1% pa aña 2016 y 2% pa aña 2017. Na mesun momento Fitch ta referi na e impacto positivo cu un reapertura di refineria lo tin pa empleo y entrada pa gobierno. 
Menos importacion, prijs abou di fuel oil y crecemento den services exports a yuda subi e current account pa un surplus di 4.1% di GDP. Pa loke ta trata reservas, tin un aumento di $150 miyon, yegando na un suma di $710 miyon.

Two-party democracy 
Remarcabel ta cu Fitch ta considera Aruba un pais cu un two-party democracy (AVP y MEP), y cu eleccion na 2017 probablemente lo resulta den un continuacion di e maneho actual.
Pa e rating aki Fitch a asumi cu e demanda di mercadonan importante pa nos turismo no experiencia shocks severo. E rating tambe ta basa riba sosten di gobierno Hulandes. 
 
Nificacion di BBB- 
Fitch ta haci uso di un sistema di rating di AAA (Highest credit quality) te cu D (Default). E rating ‘BBB’ ta nifica ‘good credit quality’. E adicion di ‘ - ’ (min) ta indica un rating mas abou dentro di e categoria BBB, relativo na otro pais cu un BBB rating. Splicacion di BBB (Fitch): “‘BBB’ ratings indicate that expectations of default risk are currently low. The capacity for payment of financial commitments is considered adequate but adverse business or economic conditions are more likely to impair this capacity.” Na cabamento di e articulo aki por lesa un resumen di tur nivel di e ratings di Fitch.

Manera por wak den e tabel, despues di e downgrade na aña 2014, e rating y perspectiva di Aruba no a cambia. Klik aki pa lesa e press release completo di Fitch Ratings, y klik aki pa lesa e (prome) press release di Gabinete Mike Eman II tocante e rating. 
Update: Klik aki pa lesa e di dos press release di Gabinete Mike Eman II en coneccion cu e rating. 
Update: Klik aki pa lesa un comunicado di lider di fraccion di AVP Rene Herdé en coneccion cu e rating. 
Update: Klik aki pa lesa un comunicado di ministerio di turismo tocante en coneccion cu e rating. 

Fitch Aruba 2011 2016

Fitch Ratings
AAA: Highest credit quality.
AA: Very high credit quality.
A: High credit quality.
BBB: Good credit quality.
BB: Speculative.
B: Highly speculative.
CCC: Substantial credit risk.
CC: Very high levels of credit risk.
C: Exceptionally high levels of credit risk.
RD: Restricted default.
D: Default.

The modifiers "+" or "-" may be appended to a rating to denote relative status within major rating categories.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.