Perspectiva Independiente without background 001

Opinion di partidonan politico tocante derecho di voto pa Arubianonan bibando den exterior

Den un articulo anterior, ArenaPoliti.co a trata e pregunta si Arubianonan bibando den exterior mester haya derecho di voto pa eleccion parlamentario di Aruba. Den e articulo aki nos ta publica opinion di diferente partido politico riba e asunto aki.

RED | PRO
Segun lider di partido RED, sr. Rudy Lampe, RED for di principio a vocifera cu ta necesario pa duna Arubianonan cu ta biba den exterior e derecho di voto. Sr. Lampe ta bisa cu casi tur pais ta otorga e derecho aki na nan ciudadanonan. Sr. Lampe: “Aki na Aruba no kier haci'e pasobra e partidonan tradicional tin miedo cu nan lo perde e poder, pasobra e Arubianonan cu ta biba afo en general ta mas kritisch y no ta depende di e partidonan tradicional.
Como argumentonan pa duna Arubianonan bibando den exterior derecho di voto, sr. Lampe ta menciona: “E Arubiano den exterior hopi biaha tin plan pa bin bek Aruba, p'esey e mester por tin e derecho di dicidi riba e futuro di su pais unda e lo kier establece mas adelante. Ademas e Arubiano tin famia ta biba na Aruba y e tin derecho pa dicidi den ki tipo di pais su famia ta biba aden. Awor e no por vota y no por dicidi pa cambia rumbo di su pais pa asina su famianan y e mes den futuro lo por biba mas feliz.

UPP
| SKEPTICO
Lider di UPP, sr. Booshi Wever, ta bisa di ta hopi skeptico riba e tema aki. Sr. Wever: “Corda cu tin mas di 20.000 hende naci na Aruba bibando na Hulanda so. Y mas di 95% ta mayor di edad. Esey kiermen cu nos representacion den parlamento lo ta bibando pa hopi aña pafo di Aruba.” Comparando nos situacion cu otro paisnan, sr. Wever ta remarca cu na paisnan grandi, esnan bibando den exterior no tin mucho influencia. Pa Aruba esey lo ta hopi diferente.

Riba e pregunta si e ta di opinion cu lo mester bin un referendum riba e tema aki prome cu trece e cambio, sr. Wever ta contesta: “Por bin un referendum, pero no pa esey so. Bin cu referendum pa si e gobierno actual tin e moral of legitimidad pa sigui goberna. Nos mester perfecciona nos democracia na cas prome cu nos bay busca mas hende pa vota.

AVP | PRO
ArenaPoliti.co
a haci pregunta na parlametnario Rene Herdé (AVP) riba e tema aki. Segun sr. Herdé, AVP ta sostene e plannan di Gabinete Mike Eman pa duna Arubianonan bibando den exterior derecho di voto. E ta remarca cu tin algun dificultad pa haci e proceso di votamento den paisnan den exterior posibel. E plan no ta cla ainda, y gobierno tin otro prioridadnan actualmente. Apesar di ta na fabor di duna Arubianonan den exterior derecho di voto, sr. Herdé ta menciona algun punto di critica cu e ta considera. E ta bisa cu no tur partido politico ta mesun bon organisa y tin e fondonan pa por campaña den exterior. Un otro punto cu sr. Herdé ta menciona ta e pensamento cu hende mester por influencia e gobierno cu ta influencia nan bida.
Tocante un referendum, sr. Herdé ta di opinion cu esey no ta necesario. E ta considera un referendum un instrumento mucho ‘pisa’ pa e asunto aki.

Na momento di publicacion, ArenaPoliti.co no a ricibi reaccion di MEP, PDR y PPA.

Kiko abo ta pensa?

Arubianonan bibando den exterior mester haya derecho di voto pa Eleccion Parlamentario di Aruba?
  • Votes: 0%
  • Votes: 0%
Total Votes:
First Vote:
Last Vote:













 

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

mail@arenapoliti.co

 

Advertising:

ads@bps.media

x

 

Inscribi pa ricibi un resumen semanal di e articulonan mas impactante.