Perspectiva Independiente without background 001

Gabinete ME II: Despues di e constata e necesidad durante Accion di Bario algun siman atras Veld Deportivo a keda renoba y mehora na Sabana Basora Noord

Mike Veld SB
Prome Minister satisfecho cu e trabounan cu ta sigui pa desaroya e bario 


ORANJESTAD – Demostrando un bes mas efectividad y resultadonan concreto cu ta sali for di e programa BoBario, diasabra mainta veld deportivo den Sabana Basora a haya un mehoracion total. Schouder cu schouder Prome Minister Mike Eman, boluntarionan di su Ministerio y habitantenan di e propio bario, a drecha y verf vloer di e veld. Esaki ta djis un di e maneranan con Gobierno di Aruba tin atencion pa e bisindario di Sabana Basora Noord.

Algun siman atras, e compleho habitacional di pariba di brug a haya bishita di Minister di Husticia y tambe Minister di Asuntonan Social y Hubentud. E idea ta pa hunto haci trabou pa mehora e situacionnan menos faborabel cu ta presenta den e comunidad aki. Minister President Mike Eman personalmente a bishita e bario hunto cu departamento di FCCA, Serlimar, Bus di Salud y GKMB pa duna un asistencia inmediato.

Di e manera aki a tuma nota di e necesidadnan cu tin den e area y asina a cuminsa traha riba nan. “Nos a dicidi pa keda enfoca mas riba Sabana Basora. Den e caso aki tabatin diferente desaroyo cu tabata rekeri atencion adicional y nos a wak cu tin ciudadano cu ta preocupa y cu si nos sostene nan, nan tin un vision di con nan kier desaroya nan bario,” asina Premier Eman a indica.

A cuminsa cu un limpieza grandi rond di e compleho y mey mey di e casnan caminda esnan cu mal intencion tabata uza pa haci cosnan scondi. Sistema di iluminacion publico tabatin mester di reparacion y esey a keda cla tambe. Awo, a busca e material y obra di man pa drecha e veld deportivo pa asina ofrece e mucha, hoben y adultonan, un luga caminda nan por haci deporte y recrea sanamente.

Segun Ditto Acosta, e peticion di e habitantenan tabata djis pa pone e postnan pa hunga volley, pero for di banda di BoBario a ripara cu por haci hopi mas cu esey. Esaki ta algo cu ta alegra Parlamentario Desiree de Sousa-Croes, kende tambe tabata presente pa brinda su apoyo na e accion comunitario. “Akinan nos ta wak un gobierno dunando e bon ehempel. Ora Minister ta drenta den bario bo ta wak e positivismo cu e ta trece cu ne. E por ta mustra algo chikito, pero e tin un domino effect cu ta pasa e energia positivo pa otro,” De Sousa-Croes a enfatisa.

Trabounan pa cu drechamento di e veld ta bay continua den fin di siman cu entrega di palo di golnan nobo pa practica di zaalvoetbal, instalacion di un backboard nobo pa hunga basketball, como tambe post pa muchanan por pone un net di volleyball. Ademas, BoBario a percura pa haya heki cu cual ta bay cera rond di e veld, y asina hacie mas sigur evitando cu balanan por bay riba caya.

Tipo di accionnan comunitario aki ta bay continua, mescos tabata e caso desde cu Prome Minister Mike Eman a inicia e programa di bishita semanal den bario mas cu cuater aña pasa. Unda cu por duna un man y haci un diferencia, e mandatario ta percura pa yega.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.