Perspectiva Independiente without background 001

Evelyn Wever-Croes (MEP): Presupuesto 2016: Conseho negativo di Raad van Advies y CAFT

Evelyn38GASTONAN DI GOBIERNO TA SIGI SUBI 

ORANJESTAD -- Parlamento ta tratando e presupuesto 2016. Lider di MEP Evelyn Wever-Croes a informa prensa lo sigiente. "Gobierno a presenta e presupuesto 2016 bastante laat na Parlamento y e luna aki nos mester pone tur atencion na esaki. Den nos fraccion y hunto cu e 'think tank' y conseheronan di nos partido, nos ta studiando e presupuesto, pa prepara nos preguntanan. Diaranson awor nos mester entrega nos preguntanan. 
Pero di awor caba nos por saca algun conclusion: 1) gobierno a sigi aumenta su gastonan, y 2) e consehonan di Raad van Advies y CAFT ta NEGATIVO. Mi no sa con gobierno ta bai saca su mes di e problema aki.

Pero locual mas ta preocupa mi, ta cu atrobe e fundacionnan no ta haya suficiente subsidio. Desde tres anja pasa cu gobierno a corta severamente den nan subsidionan, nunca mas gobierno a duna nan e suma cu nan tabata haya. Nan a sigi haya e suma abou, y esey a hinca varios fundacion den problema financiero serio. Especialmente fundacionnan cu ta yuda nos muchanan y hende grandinan especial, esnan cu ta percura pa un dak riba cabes di esnan cu no tin, y esnan cu ta cuida di nos grandinan. Tur ta lucha pa por cubri nan gastonan, pero no ta logra.
Loke si nos ta mira ta cu gobierno tin ainda riba su payroll 336 coordinador! Y esey ta solamente e cifra oficial, pasobra den e cifra aki no tin e cantidad di persona nan cu tin un contract scondi atraves di nan compania, of cu ta hinca den otro postnan di e presupuesto. Y na e 336 coordinadornan aki gobierno ta paga e anja aki so 33 miyon florin!

160111 evelyn cantidaddicoordinador
COMPARA CU GOBIERNO DI MEP
Tempo di gobierno di MEP, si nos tuma e ultimo anja, nos ta mira cu MEP tabata tin 7 minister y 106 consehero. Kiermeen e ministernan di MEP tabata tin average 15 hende ta traha na nan oficina.
Gabinete Mike Eman tin 336, pa 9 minister, cu ta un average di 37 persona pa cada minister. Unda tur e 336 personanan aki ta? Pasobra den Bestuurskantoor no tin lugar pa asina tanto hende. Esaki ta simplemente un ehempel con e abuso di Mike Eman y su gobierno ta continua. Mike Eman no tin ningun intencion pa pone orden den e desorden financiero cu e mes a crea. Si Mike Eman bai bek di 9 minister pa 7 minister, na nivel cu gabinetenan di MEP a goberna, e ta scapa mesora 17 miyon florin. Pero e no tin pensa di hasi esey. Mike Eman ta sigi malgasta placa, y ta laga caos y destruccion pa esnan despues di dje. "Apres moi, le deluge", segun lider di MEP Evelyn Wever-Croes

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.