Perspectiva Independiente without background 001

Jan de Ruijter: J’accuse... Mi ta acusa Otmar Oduber, Southwest Horeca Development, Aruba Investment Bank y gobierno di Aruba di fraude y estafa di 2 miyon dollar!!!! Actonan condenabel!!

janderuijter1Mi a acusa Otmar Oduber di corrupcion, fraude y estafa den e proyecto Hard Rock  Hotel, y Huez a permitimi haci esey. Huez a huzga cu Otnar no mester bin “zeur” cerca Huez, na yoramento manera un mucha chikito, pero cu e mester, manera un homber adulto, bin splica publicamente y den medionan, pakiko e ta kere cu e NO ta corupto, y cu e no ta haci su mes culpabel na fraude y estafa. Ya ta bay 2 aña cu Otmar ta nenga rotundamente di contradeci cu e ta corupto, y cu e ta comete fraude y estafa.

Pero, mi no ta cla ainda at all cu Otnar y su amigo intimo cu nan mañanan. Pa mi ta awor numa cosnan ta cuminza, pasobra awor mi kier sa kiko a para y socede cu e garantia di banco cu Aruba Investment Bank (A.I.B) den nomber y na fabor di Southwest Horeca Development a pasa pa Pais Aruba como garantia cu e proyecto ta sigui, y cu nan tabata dispone di e financiamento.
Despues di a pospone e cumplimento cu e condicion aki pa di 14 y “pa di ultimo biaha”, Otmar toch un biaha mas a duna aplazamento te dia 28 di november, pasobra A.I.B. a pidi, y tabata para tras di esey.
A ser bisa claramente cu tabatin un garantia di banco di AIB pa e posponemento aki te cu dia 28 di november. Mi ta acusa Otmar Oduber, gerencia y conseho di comisarionan di AIB, y Southwest Horeca Development, di cu esaki un biaha mas ta otro engaño, y cu ni AIB, ni Southwest Horeca Development, ni e famia di Tico Croes, a paga ningun 2 miyon dollar na Pais Aruba.

ESAKI  TA  MI  ACUSACION!!
Por cierto esaki ta tarea di e periodico y di e columnista, esta denuncia asuntonan dudoso.
Awor ta na Pais Aruba, na Otmar Oduber, na AIB y na Southwest Horeca Development pa reacciona riba contenido di mi acusacion, y pa demostra cu sea AIB of Southwest a paga 2 miyon dollar na Pais Aruba.
Conseho di comisarionan di AIB ta nenga rotundamente cualkier comunicacion cu mi persona, y ta referimi na nan director, esta e director kende ami ta acusa di ta tene man cu, of ta complice di Otmar Oduber, y famia di Tico Croes.
Mi fuentenan ta informami cu Southwest NUNCA a paga ningun debchi pa e garantianan di banco, y cu probablemente un of mas di e garantianan di banco a ser traha despues, y cu tambe falsificacion (“valsheid in geschrifte”) a tuma lugar ! vonden!
Door di nenga di papia aki’riba, conseho di comisarionan ta haci su mes complice den tur e actonan fraudulento, pues mi ta tene e comisarionan co-responsabel, y mi ta hincanan den mi denuncianan contra Otmar Oduber, Mike Eman, Tico Croes y famia, y contra A.I.B., tanto e gerencia como e conseho di comisarionan.
NAN  TUR  TA  KONKEL  DEN  UN  NET  DI  CORUPCION  Y  FRAUDE.
MI  NO  TA  KERE  NADA  DI  CU  TICO  CROES  Y  SU  HENDENAN  A  PAGA  2  MIYON  NA  GARANTIA  NA  E  GOBIERNO  DI  OTMAR  Y  MIKE.

E Glitz Casino: J’ACCUSE
Mi ta acusa Otmar Oduber di a haci su mes culpabel na fraude, engaño, estafa y corupcion den Glitz Casino. Pakiko?
Casinonan ta permiti di ta estableci unicamente den hotelnan normal “transient” cu 350 camber. La Cabana sinembargo ta un hotel “timeshare” di 200 camber; con por ta anto cu ey un casino ta ser opera contra TUR reglanan di Ley!
Mi ta scirbiendo riba esaki ya pa mas cu 1 aña, y atrobe Otnar Oduber ta nenga rotundamente pa splica e asunto aki.
Mi ta haya esaki un porkeria completo, un forma grosero di corupcion, ya cu e casino ta propiedad di e sponsor grandi di Otnar, pues placa ta pasa for di e man di e sponsor pa man di Otmar, y Otmar, abusando di su posicion di poder como minister, ta recompensa su sponsor hopi generosamente pa e placa di sponsor ey.
Mi ta exigi publicacion di e permiso di casino (casinovergunning) di Glitz, y si esaki no socede dentro di 2 siman, lo mi entrega un denuncia!

E pomp di gasolin na Paradera: J’ACCUSE
E mesun sponsor a aparece riba potretnan den corantnan local na ocasion di e inicio di e construccion di e pomp di gasolin nobo y e shopping mall na Paradera, cu un Otmar Oduber cu un sonrisa grandi para acerca. No kere cu Otmar tabat’ey djis pasobra pa casualidad e ta biba na Paradera. Di acuerdo cu un numeroso cantidad di e-mails y mensahenan, ta E, Otmar, ta e unico berdadero accionista, of un di a accionistanan; e caminda y vecindario a ser embeyece na un costo enorme, pasobra ey tabata unda Otmar lo a bay construi su pomp di gasolin.
Riba esaki tambe mi ta scirbiendo hopi tempo caba, pero Otmar ta nenga di reacciona!

Burger King den Rio Grande: J’ACCUSE
Ken di berdad ta kere cu aki no tin corupcion, ni tampoco manipulacion planea! Berdad bo ta kere cu ta un co-incidencia cu e doño di Burger King a haya un “tip” cu Monumentenzorg y otro instancianan tabata preparando pa prohibi e destruccion di e edificio di Rio Grande, y cu e lo a ser conseha pa den pura y “per ongeluk” e core basha e cos abao? Y berdad bo ta kere cu e doño no a paga Otmar ningun cen pa esaki? Bay gaña baca! Stop di ta asina ingenuo!
Otmar a laga hende bisa Burger King cu nan mester a basha e cos abao lihe, prome cu e deal por a cay na awa!
Mi ta hole corupcion pisa!

Hyatt Ziva Hotel: J’ACCUSE
Famia di Tico Croes, awor cu Hard Rock no tin interes mas, “just like that” lo mag bay construi un Hyatt Ziva Hotel na e sitio di e anterior Bushiri Hotel, y esaki sin un “aanbestedingsprocedure”, sin ningun clase di discusion den Parlamento.
Y esaki no ta corupcion, fraude, engaño y estafa?
Di berdad nos ciudadanonan ta kere cu e fraude di 10miyon planea door di Tico Croes y famia, a pasa pa historia? Absolutamente cu no: si e no ta sigui cu Hard Rock, nan mag di purba un biaha mas cu otro, den e caso aki cu Hyatt Ziva!
Otmar ta coopera den esaki trankil asina, pero Mike Eman tambe, pasobra e ta permiti esaki, y pues lo ser teni co-responsabel y lo mester responde pa su participacion! 

BO  TAMBE  LO  KIER  PONE  UN  FIN  NA  CORUPCION! 
E  ORA  EY  ABO  TAMBE  MESTER  BISA  ESEY  NA  BOS  HALTO!
 

Oranjestad, december 2, 2014
Jan de Ruijter
This email address is being protected from spambots. You need JavaScript enabled to view it.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.