Jacky van Putten (POR): Cultura di Miedo den deporte

(Tempo pa lesa: 2 - 3 minuut)
JackyVanPutten02
Drenta politica no ta nada facil, bo lo bira blanco di ataque di tur personanan cu ta pensa pasobra bo a tuma e desicion aki nan tin e derecho di comenta sea bon of malo di bo persona. Nos cultura, nos politiconan, nos fanaticonan , nos sustenedornan lo vocifera kiko nan ta pensa y bo mester por cu esaki. Pa e motibo aki  hopi intellectual , personanan cu e capacidad ta preferea di astene di politica pa asina nan bida personal of laboral no wordo afecta. Mi ta compronde cu esaki ta algo “normal” pa politica pero loque mi a bin ta comprende cu esaki no ta únicamente den politica , e mesun “cultura di miedo “ tambe tin su lugar den deporte.  Papiando cu diferente deportista ,entrenadornan y miembronan di directiva di organisacionnan deportivo pa asina por tin un mihor conocimento di kiko ta biba eyfo mi a keda tristemente sorprendi con cautuloso nan ta ora di expresa pa mayan nan no wordo sentencia. E desapuntacion, e frustracion y incapacidad di por haci algo ta y a laga hopi deportista disiluciona. Tur dia mi ta hanja yamadanan y invitacion pa papia cu diferente deportistan pero nan kier keda anonimo pa mayan nan no tuma represalia contra nan, nan yui of nan organisacion. Siego no tin den deporte pero pa expresa nan descontento si tin temor. Communicacion entre e deportista , e mayor, e bond cu e federacion ta un di nan precupacion cardinal. Nan no sa of no ta mira con e financia deportivo ta wordo maneha. Tin clubnan cu masha poco atleta pero net nan ta hanya mas placa di subsidio. Otronan cu ta conta cu hopi atleta ta wordo corta den nan presupuesto. Aunque ta wordo bisa cu tin transparencia y tur tin e mesun derecho den practica nos tur sa cu no ta asina. Mescos cu política, ta cu ken bo ta cana y ken bo conoce ta loque ta define e aporte cu bo lo hanja. Deporte a sufri door di esaki. Ta tempo pa nos bin hunto y expresa nos precupacion real y asina trece un transparencia den e maneho di deporte na unda ta kita e poder di decision for di man nan di un of dos persona. No mag y no por tin miedo di represalia cu lo por perhudica bo deporte , mester por tin e libertad di opinion pa asina nos por un biaha mas engrandece nos deporte aki na Aruba y na unda e e fondonan desponble por wordo reparti igualmente mirando e organisacion su maneho y concentra unda realmente nan mester mas sosten.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

mail@arenapoliti.co

 

Advertising:

ads@bps.media

x

 

Inscribi pa ricibi un resumen semanal di e articulonan mas impactante.