Registra, download e ‘Plan di Accion’ y contribui cu bo feedback     

Cu gradicemento enorme na comunidad di Aruba, despues di un periodo di casi 4 luna di trabou intenso unda cu a reuni cu mas di 70 diferente instancia, Pueblo Orguyoso y Respeta (POR) a presenta na comunidad di Aruba nan ‘Plan di Accion. Poniendo atencion na e necesidad y prioridad di nos comunidad, e plan ta disponibel pa comunidad di Aruba den su totalidad riba forsanobo.com.

Caminda largo 
Cada un di e coleganan di POR a hiba combersacionnan cu diferente NGO’s, gremionan sindical y comercial, gruponan di interes, gruponan religioso, gruponan deportivo, gruponan religioso y gruponan di enfoke cu a wordo organisa na diferente ocasion door di diferente colega/miembro di partido.

Encuesta enseñansa 
Riba e tereno di enseñansa a haci encuesta cu mas di 500 docente aki na Aruba y mas di 800 studiante a participa na esaki. 17 di juni lo tin e conferencia di maestronan caminda lo atende cu e resultado di e encuesta cu a wordo haci, for di cual lo ricibi informacion valioso pa e tereno di educacion.

Registra p’e plan di accion 
Por bay riba e Facebook Page di Partido POR E Forsa Nobo y lo mira e link unda cu por registra y download e programa. Pa esnan cu no tin Facebook por bay riba forsanobo.com y registra. Asina ta hacie accesibel na tur hende cu registra pa por lesa e documento aki cu ta un trabou den proceso.

‘Banda di tur e personanan, instancianan y gruponan di interes cu a combersa cu ne, nos ta brinda e oportunidad na comunidad di Aruba durante di e proximo 30 dianan pa por duna comentario, sugerencia, critica y observacion riba e plan di accion aki. Esaki ta un indicacion di e ruta cu nos ta scoge pa na final di juni por entrega na un forma oficial aki na Aruba na e electorado y pueblo di Aruba, e plan di partido cu lo mester forma e base di e proximo gobernacion. A base di un forsa nobo, a base di un di tres partido cu lo bira e partido grandi durante e eleccion 22 di september,’ sr. Oduber a bisa.

Finalmente, den nomber di tur mi coleganan mi kier gradici cada un di e instancianan cu a duna nos e balor y respet y anos na nan pa e input cu a ricibi for di nan. Hopi biaha no ta facil, pasobra ora cu reuni cu tanto instancia di interes tin ora e interesnan ta contradeci cu otro. Pero como organisacion politico, despues di sinta hunto a pone e plan di accion aki cu ta basta amplio disponibel. Ta enfatisa cu e documento loke keda ricibi su adaptacionnan te final di juni. Siman pasa a haya documento di OPPA cual sigur lo inclui tambe den e documento final cu lo wordo presenta na comunidad como e propuesta pa e proximo plan di gobernacion. No tabata facil, un ruta largo di scucha ripiticion, otro biaha critica y otro biaha sugerencianan. Pero na final di dia mi por garantisa comunidad di Aruba cu e plan di accion aki cu mester desenboca aki un luna den e plan di partido pa e proximo gobernacion ta di pueblo y berdaderamente pa e pueblo di Aruba tambe. Cu nan prioridadnan, nan dolornan y nan inkietudnan y cu e solucion pa cada un di e inkietudnan aki tambe, sr. Oduber a enfatisa.

Por duna feedback riba e ‘plan di accion’ na email This email address is being protected from spambots. You need JavaScript enabled to view it.

Expresionnan haci den e articulo aki no necesariamente ta refleha opinion di ArenaPoliti.co