Milo Martes, candidato # 24 POR    

Ta bon cu scolnan ta wordo renova te cu 2020 manera ta e plan di renovacion di scolnan existente y construccion di scolnan nobo.  Pero e gobierno actual no tin solucion pa e cantidad di studiantenan cu ta wordo ubica na sitionan peligroso y no adececua pa e proposito di un scol durante renovacion di nan scol. Tambe tin cu remarca cu durante renovacion di scolnan no ta corda riba e beneficionan salarial y secundario pa cu e docentenan.

Cu renovacion y construccion di scolnan so, bo no ta hisa e calidad di enseñansa. Por ehempel, ora un docente yega cierto edad den enseñansa e no ta mira aumento ni beneficionan adicional. Ma locual si e ta haya ta mas trabounan administrativo y clasnan mas grandi.

Solucion tin, pesey POR lo bin cu solucionnan planifica, structura y balansa, cu lo bay haci e diferencia pa cu un enseñansa di calidad. Esaki POR tin como vision den su plan di accion. Un di mi metanan ta stop e malgastamento di placa na huurmento di edificionan y otro localidadnan cu no ta adecua pa scol. Door di bin cu un doorstroom school, manera por ehempel edificio di  JFK cu ja ta propiedad di gobierno, asina gobierno ta baha su gastonan na huur di edificionan enormemente. E hecho cu e localidad aki ta uno central, lo bira mas facil pa e studiantenan di barionan manera Noord, Paradera, Hato, Tanki Leendert etc. yega nan destino hopi mas liher, durante renovacion di nan scol y tambe  esaki por wordo uza pa middag y avond leergangen.

POR ta kere firmemente cu enseñansa ta e motor di cualkier sociedad prospero y ta conduci na desaroyo social y crecemento economico di bo pais.


Cu POR den gobernacion lo bo mira e diferencia.

Expresionnan haci den e articulo aki no necesariamente ta refleha opinion di ArenaPoliti.co