Perspectiva Independiente without background 001

MEP: Coordinador di AVP sin estudio ta gana mas hopi cu un hoben cu caba di studia HBO na Hulanda

MEP01Den ultimo dianan por a nota contract di un coordinador di prome minister Mike Eman ta circula riba medionan social y den prensa. Nos di MEP tabata sa cu tin hopi abuso ta tuma lugar di parti di e ministernan di AVP pero esaki si a kibra tur limite.

Nada contra su persona, pero ta trata aki di e posicion di telefonista/recepcionista/bode cu ta gana 3800 florin pa luna! 3800 florin ta loke gobierno ta paga pa un persona cu e funcion ey? Un persona cu su tarea principal ta pa yama radio tur dia y lastra su oponentenan? Pesey pueblo mester pag’e un salario di 3800 florin pa luna? E noticia aki a cai den masha mal tera cerca demas coordinadornan y campanjadornan di AVP cu no tin e mesun privilegio.

COMPARA E SALARIO AKI CU ESUN DI UN PROFESIONAL
Si abo lucha pa manda bo yiu bai studia un HBO opleiding na Hulanda, ora e caba di studia y haya trabou den gobierno e ta gana 3700 florin pa luna (schaal 7)! Bo yiu, cu a sacrifica 5 anja di su bida studiando duro, cu a keda cu un debe di estudio grandi riba su lomba, cu ta bolbe bek su pais como un profesional hoben, ta gana menos cu e coordinador telefonista/recepcionista/bode cu su tarea ta pa yama radio tur dia pa lastra politiconan di MEP. Ta un inhusticia pa nos hobennan cu ta wordo discrimina di e forma aki, hustamente pa e partido cu semper a PRETENDE di tin interes di nos hobennan na pecho.

Ya tin varios profesional hoben na Aruba cu abiertamente ta critica e hecho cu nan si a studia y nan si a haya nan diploma, mientras cu otronan cu a prefera di no studia ta gana mas cu nan den gobierno, djis pasobra nan ta coordinador di Mike Eman y su ministernan.

Esey ta e abusonan di Mike Eman cu a hinca Aruba awe den e debe gigantesco cu nos ta aden, e debe di 4.000.000.000 florin! Ainda tin hende ta pensa cu e gastonan di coordinadornan di 200 miyon den e ultimo 5 anjanan no ta e causante di e MEGA DEBE di nos pais, pero poco poco nan ta realisa cu e abusonan di Mike Eman pa privilegia cierto coordinadornan definitivamente ta e causante. Pero Mike Eman ta scohe pa kita mama y tata for di trabou, Mike Eman ta scohe pa baha subsidio di nos grandinan y di nos muchanan especial, Mike Eman ta scohe pa suta pueblo cu 24 medida, basta cu e por sigi privilegia esnan cu mester hasi trabou sushi p’e. Esnan cu mester campanja p’e.

prioridadnanmikeeman


Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.