“No work, no pay!” | Parlamentarionan ta cumpli cu nan trabou?
E proposicion di “no work, no pay” pa parlamentarionan atrobe tawata un punto di discusion durante e siman nos tras. E motibo tawata un reunion publico den cual mayoria miembro di oposicion no tawata presente.
Relaciona cu varios crimen cu a tuma luga, na september diferente parlamentario a sinti e necesidad di trata e tema di criminalidad den Parlamento cu presencia di minister di Husticia Arthur Dowers. Sosteni pa fraccion AVP, presidente di Parlamento Mervin Wyatt-Ras (AVP) a schedule un bijeenkomst pa trata e tema. Oposicion kier a trata e tema den un reunion publico pa motibo cu un bijeenkomst tin un caracter informativo y limita den cual no por entrega mocion.
Awo den oktober, sra. Wyatt-Ras a dicidi di agrega e reunion publico cu oposicion a pidi na un otro reunion pa trata un ley relaciona cu e cartera di Husticia. Sra. Wyatt-Ras a bisa cu asina e ta cumpli cu e peticion di oposicion y tambe cu Reglamento di Ordo di Parlamento, yamanda e reunion dentro di 30 dia despues di e peticion. E reunion a tuma luga dia 6 di oktober, cu for di oposicion solamente 3 miembro presente.
Wega politico
Durante y despues di e reunion parlamentarionan di AVP a enfoca riba e ausencia di 4 parlamentario di MEP, parlamentario Andin Bikker (PDR) y parlamentario Marisol Lopez-Tromp (independiente). Presidente di Parlamento Wyatt-Ras a informa cu parlamentarionan Bikker, Lopez-Tromp y Ruiz-Maduro a notifica tocante nan ausencia, pero segun Wyatt-Ras e no a wordo notifica anteriormente cu algun parlamentario lo ta den exterior mientras cu no tin reces, y p’esey e no por a tene cuenta cu nan ausencia ora di yama e reunion.
Parlamentario Andin Bikker a reacciona den un comunicado di prensa. Segun Bikker partido AVP ta di “mala fe” y ta controla e presidente di Parlamento pa haci wega infantil. Bikker ta splica cu diripiente sra. Wyatt-Ras a core hala un reunion, y no a cumpli cu articulo 23 di Reglamento di Ordo cu ta ensera cu parlamentarionan mester wordo informa di un reunion por lo menos 4 dia di antemano, cual ta duna parlamentarionan tempo pa prepara y por ehempel traha riba amienda y mocion. Segun sr. Bikker e trabou di un parlamentario ta encera mucho mas cu reunionnan publico, y Bikker tambe a referi na e “record di ausencia grandi” di prome minister Mike Eman di tempo cu sr. Eman tawata un parlamentario den oposicion.
E insinuacion ta cu AVP a dicidi di ‘probecha’ di e ausencia di parlamentarionan den oposicion door di re-schedule un reunion, agrega tratamento di e situacion actual di criminalidad na e reunion aki, pa despues reclama e parlamentarionan den oposicion pa nan ausencia y tambe usa nan ausencia pa demotiva participacion den e manifestacion contra criminalidad cu lo tuma luga dia 13 di oktober. Na mesun momento minister Dowers a pasa door di un reunion mas ‘suave’ den ausencia di mayoria miembro di oposicion. Pues un win-win situation pa Gabinite Mike Eman II y fraccion AVP.
Presencia ≠ Work
E “record di ausencia grandi” di sr. Mike Eman, y tambe di otro ministernan actual, no ta hustifica e ausencia di esnan cu ta parlamentario actualmente. Pueblo mester por asumi cu, ora no tin reces of circunstancianan hustificabel, parlamentarionan ta presente pa defende e interesnan di Pueblo den Parlamento. Pueblo ta paga tur parlamentario un bon salario. Pues un proposicion di “no work, no pay” tin su validez.
Pero con nos tin cu defini “work”? Presencia den sala durante reunion publico no necesariamente ta nifica cu bo ta cumpli cu bo trabou como parlamentario. Pa hopi aña caba nos por nota cu diferente parlamentario di fraccion AVP durante reunionnan publico den Parlamento ta usa hopi of tur nan tempo pa elogia Gabinete Mike Eman y reclama y ataca oposicion. Esaki no ta loke Pueblo ta paga parlamentarionan pa haci. Parlamentarionan tin e tarea di controla Gobierno y defende e interesnan di Pueblo. Tambe tin parlamentarionan cu ta presente fisicamente pero no ta hiba palabra, no ta entrega mocion, no ta entrega amienda, no ta contribui na e proceso legislativo, y na cabamento ta sea grita “pro” of “voor”, basicamente reduciendo Parlamento na un ‘stempelparlement’. Y algun di e parlamentarionan aki ta den esnan cu mas ta insisti cu mester implementa “no work, no pay.”
Si bo presencia no ta contribui na e funcion di Parlamento, of — pio ainda — ta stroba funcionamento drechi di Parlamento, ki balor bo presencia tin?
Madurez Politico
Loke Aruba mester ta parlamentarionan cu madurez politico, tanto den oposicion como den e fraccion cu ta sostene e gabinete na mando. Parlamentarionan cu ta prepara debidamente pa eherce nan trabou. Parlamentarionan cu ta presente pa haci nan trabou. Parlamentarionan cu no ta manipula y hunga weganan politico. Parlamentarionan cu ta cumpli cu e tarea di controla Gobierno. Parlamentarionan cu ta defende e interes di Pueblo y ta pone e interes di Pueblo riba e interes di nan partido of nan carera politico.
Na final e hefe di nos parlamentarionan ta e Pueblo votado. Ta keda na Pueblo pa usa su derecho di voto conscientemente y pa no pensa solamente riba cua partido lo por provee bon ministernan, pero tambe pensa riba cua partido por provee parlamentarionan digno. Parlamento di Aruba ta e organo mas halto di nos pais y un base fundamental di nos democracia. Tanten cu nos Parlamento no funciona manera mester ta, Aruba lo keda un pais cu un deficiencia substancial pa loke ta trata e checks and balances necesario pa stimula Bon Gobernacion (Good Governance).
*Update: ArenaPoliti.co a ricibi e siguiente comunicadonan di prensa despues cu e articulo aki a wordo publica:
• Drs. Mervin Wyatt-Ras (AVP): Presidente di Parlamento ta lamenta con Sr.Bikker kier saca curpa afor pa su ausencia durante reunion publico
• Parlamentario Marlon Sneek (AVP): “Evelyn: E mesa ta na Parlamento Yega!”
Presencia ≠ Work
E “record di ausencia grandi” di sr. Mike Eman, y tambe di otro ministernan actual, no ta hustifica e ausencia di esnan cu ta parlamentario actualmente. Pueblo mester por asumi cu, ora no tin reces of circunstancianan hustificabel, parlamentarionan ta presente pa defende e interesnan di Pueblo den Parlamento. Pueblo ta paga tur parlamentario un bon salario. Pues un proposicion di “no work, no pay” tin su validez.
Pero con nos tin cu defini “work”? Presencia den sala durante reunion publico no necesariamente ta nifica cu bo ta cumpli cu bo trabou como parlamentario. Pa hopi aña caba nos por nota cu diferente parlamentario di fraccion AVP durante reunionnan publico den Parlamento ta usa hopi of tur nan tempo pa elogia Gabinete Mike Eman y reclama y ataca oposicion. Esaki no ta loke Pueblo ta paga parlamentarionan pa haci. Parlamentarionan tin e tarea di controla Gobierno y defende e interesnan di Pueblo. Tambe tin parlamentarionan cu ta presente fisicamente pero no ta hiba palabra, no ta entrega mocion, no ta entrega amienda, no ta contribui na e proceso legislativo, y na cabamento ta sea grita “pro” of “voor”, basicamente reduciendo Parlamento na un ‘stempelparlement’. Y algun di e parlamentarionan aki ta den esnan cu mas ta insisti cu mester implementa “no work, no pay.”
Si bo presencia no ta contribui na e funcion di Parlamento, of — pio ainda — ta stroba funcionamento drechi di Parlamento, ki balor bo presencia tin?
Madurez Politico
Loke Aruba mester ta parlamentarionan cu madurez politico, tanto den oposicion como den e fraccion cu ta sostene e gabinete na mando. Parlamentarionan cu ta prepara debidamente pa eherce nan trabou. Parlamentarionan cu ta presente pa haci nan trabou. Parlamentarionan cu no ta manipula y hunga weganan politico. Parlamentarionan cu ta cumpli cu e tarea di controla Gobierno. Parlamentarionan cu ta defende e interes di Pueblo y ta pone e interes di Pueblo riba e interes di nan partido of nan carera politico.
Na final e hefe di nos parlamentarionan ta e Pueblo votado. Ta keda na Pueblo pa usa su derecho di voto conscientemente y pa no pensa solamente riba cua partido lo por provee bon ministernan, pero tambe pensa riba cua partido por provee parlamentarionan digno. Parlamento di Aruba ta e organo mas halto di nos pais y un base fundamental di nos democracia. Tanten cu nos Parlamento no funciona manera mester ta, Aruba lo keda un pais cu un deficiencia substancial pa loke ta trata e checks and balances necesario pa stimula Bon Gobernacion (Good Governance).
*Update: ArenaPoliti.co a ricibi e siguiente comunicadonan di prensa despues cu e articulo aki a wordo publica:
• Drs. Mervin Wyatt-Ras (AVP): Presidente di Parlamento ta lamenta con Sr.Bikker kier saca curpa afor pa su ausencia durante reunion publico
• Parlamentario Marlon Sneek (AVP): “Evelyn: E mesa ta na Parlamento Yega!”
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...