Perspectiva Independiente without background 001

Tur programa di partido pa Eleccion 2017 & Pakico vota pa ....?

(Tempo pa lesa: 4 - 8 minuut)
Bandera Aruba
ArenaPoliti.co
a aserca cada lista politico pa eleccion 2017 y a puntra pa contesta den max. 300 palabra pakico pueblo mester vota pa e partidonan respectivamente. E partidonan a haya cinco dia pa contesta. Aki por lesa e contestanan di esnan cu a contesta. Tambe por download programa di partido di cada partido. Por ultimo, por wak tur e listanan di candidato pa eleccion 2017, cu informacion adicional tocante e cantidad di voto y posicion riba lista pa eleccion 2013. E secuencia ta igual na e secuencia oficial ora di vota.


Lista #1: RAIZ 
RAIZ logo01
Color: Shinishi

Programa:
Parti 1: RAIZ su perspectivanan

Pakico vota pa RAIZ?
"Cu RAIZ den parlamento y gobierno, Aruba lo conoce un politica nobo, constructivo cu kier reconecta y eleva nos hendenan, dunando un mihor ehempel con nos mes como ciudadano por yuda na incorpora un sistema gubernamental cu lo beneficia henter nos isla, no solamente un grupo privilegia so.
A yega ora pa dal e lus cende pa nos por mira cla cla unda nos ta y unda nos kier bay.”
170804 Lista RAIZ 2017



Lista #2: PPA/UPP 
PPA UPP02
Color: Kaki

Programa:
UPP: Pa un Miho Mañan (2017)
UPP: Proyecto Nos Patria 2017 - 2021
PPA: Masterplan 2017 - 2021

Pakico vota pa PPA/UPP? 
“PPA y UPP a pone bandera di partido un banda, hisa bandera di Aruba y uni pa brinda Pueblo un Alternativa Real.

Nos ta boga pa introduccion di reglanan estricto di Good Governance, esta reglanan pa goberna nos Aruba drechi. Banda di esaki nos mester percura pa nos poblacion crece na un manera responsabel y sostenibel, teniendo na cuenta e tamaño di nos isla, naturalesa cu mester keda proteha y proteccion pa nos mercado laboral y sistema social. P’esey mester reintroduci e Swiss model, hincá den un bachi crioyo.

Alabes nos mester percura pa baha e costo di bida y pone nos economia cuminsa draai atrobe. Esaki nos por logra cu introduccion di un Mededingingsautoriteit, cu lo combati abusonan di prijsnan pa motibo di palabracionnan di prijs y monopolio. Otro mecanismonan di control cu mester wordo introduci ta e Ombudsman, Klokkenluidersverordening y depolitisacion di nombramento di ambtenaar. Tambe mester adapta nos kiesverordening pa yega na un reparticion mas husto di asientonan den Parlamento.

PPA/UPP ta para pa un desaroyo husto, duradero y sostenibel pa San Nicolas y vecindario. Lider di UPP den pasado a duna contenido na esaki cu e proyecto di ImSan mientras cu PPA consistentemente a presenta visionnan innovativo y realisabel pa San Nicolas. PPA/UPP ta determina pa realisa un desaroyo real creando cupo di trabou duradero, percurando pa un economia mas husto y balansa pa nos pais.

Lista PPA/UPP tin e experiencia, seriedad, capacidad y innovacion necesario pa realisa cambionan necesario pa nos pais. Nos no kier ta e ‘yabi’ den formacion di un coalicion, pero un partner serio, integro y capacita den un coalicion stabiel, trahando na bienestar di Pueblo.

Lista PPA/UPP ta determina pa hisa nos nivel como pais y percura pa un Miho Mañan pa nos tur.” 

170804 Lista PPA UPP 2017



Lista #3: MEP 
MEP logo01
Color: Geel  

Programa:
Nos vision ta e solucion - Programa di gobernacion 2017 - 2021

Pakico vota pa MEP? 
Partido MEP no a manda un motivacion. 

170804 Lista MEP 2017



Lista #4: CURPA 
CURPA logo01
Color: Biña scur

Programa:
Salba Aruba - Programa Politico 2017 - 2021
Plan di accion 2017Plan di accion 2017

Pakico vota pa CURPA? 
Partido CURPA no a manda un motivacion. 

170804 Lista CURPA 2017



Lista #5: POR 
POR logo01
Color: Blauw scur 

Programa:
Vision 17-21 - Hunto nos POR

Pakico vota pa POR? 
Partido POR no a manda un motivacion. 

170804 Lista POR 2017



Lista #6: MAS
MAS logo01
Color: Blauw cla

Programa:
Plan di Partido MAS 2017
Vision y meta pa futuro di nos pais

Pakico vota pa MAS? 
“Den e recta final aki, yegando e fecha di eleccion, nos kier a gradici tur esnan cu a habri porta y ricibi nos den nan hogar. Pa esnan cu nos no a logra di bishita ainda semper nos lo keda disponible y na boso servicio.

Pa e eleccion aki nos ta pidi e pueblo Arubano pa laga nos sano juicio prevalese y pone fanatismo un banda y tuma un decision obhetivo. Pensa riba futuro di bo famia, di bo mes y di bo pais.

Partido MAS lo percura pa:
  • Restaura ordo den gobernacion
  • Introduci e HBO wet pa un mihor progreso den ensenjansa
  • Hasi ensenjansa mas accesible
  • Introduci e Arbowet pa proteccion y seguridad di nos conciudadanonan den cuerpo laboral
  • Crea accessibilidad pa nos hendenan cu retonan fisico
  • Elimina belasting pa nos penshoenadonan
  • Pasa ley pa aumenta castigo pa esnan cu comete abuso contra nos jiunan y nos grandinan
  • Habri caya grandi back
  • Elimina parkeermeters
  • Pone un tax Holiday pa commercio local
  • Y asina mucho mas
Esnan cu a forma parti di e problemanan cu nos tin awe nunca por ta e solucion pa bo futuro. Aruba merese un cambio cu lo crea futuro pa nos pueblo Arubano. Futuro di nos pais ta depende riba nos jiunan, nos joven nan kendenan lo sigui hiba e pais aki dilanti. Si nos como mayornan no por proteha futuro di nos jiunan nan lo no tin un porvenir riba nan mesun pais manjan.

Aruba merese MAS paso e pueblo Arubano ta val mucho MAS.

Mi persona ta, Holmo Henriquez, candidato #1 riba lista di partido MAS, e partido color Blauw kla riba stembiljet. Vota MAS pa asina hunto nos kibra barera y crea futuro pabo, pa bo famia y Aruba.

Bishita nos website na masaruba.com

Dia 22 di September corda vota MAS !!!” 

170804 Lista MAS 2017



Lista #7: ReD 
ReD logo 02
Color: Blanco 

Programa:
Programa di ReD Democratico 2017

Pakico vota pa ReD? 
“ReD ta para pa elimina e fenomeno di stempelparlement, es decir cu parlemento no ta cumpliendo cu su funcion di controla gobierno. E parlamento mester funciona independiente di gobierno. Pesei candidatonan riba lista di ReD solamente por bira parlamentario, asina ta garantiza cu parlamentarionan tin e votonan necesario riba nan nomber cu ta duna nan e autoridad pa controla e ministernan. E ministernan ta keda nombra a base di nan experticio y integridad, nan ta vakministers. E parlamento ta controla e gobierno y si ta necesario lo bin cu mocion di desconfianza contra un eventual minister corupto y ta wordo manda cas, sin cu gobierno ta cai. Esaki ta e garantia cu e candidatonan di ReD tey pa sirbi interes general y no ambicionnan of interesnan personal.

Cu ReD e voz di pueblo lo keda representa den parlamento. Pa e otro partidonan bo mag vota cada cuater anja, pero bo no mag disidi. Ta esnan cu a hinca plaka den campanja ta disidi pa medio di nan marionetanan, abo solamente mag vota. Cu ReD esaki ta cambia, ReD den parlamento lo bai ta den consulta permanente cu e votador y e pueblo ta bai disidi riba tur asunto di importancia den parlamento. ReD ta duna e pueblo votador e poder bek den parlamento. ReD lo bin porfin cu e ley di financiamento di partidonan politico pa elimina e influencia mafioso den politica. ReD lo duna e derecho di voto na tur arubiano cu ta biba den exterior, e partidonan tradicional no kier duna e arubianonan critico cu no ta dependiente di e politico e derecho di voto pa nan no perde nan poder. Cu ReD bo famianan na Hulanda tambe lo por disidi riba e futuro di Aruba.” 

170804 Lista ReD 2017



Lista #8: AVP 
AVP logo01
Color: Berde

Programa:
Padilanti - Programa di Partido AVP 2017

Pakico vota pa AVP?
“VOTA PA BO FUTURO. VOTA AVP ! 
Dia 22 di September nos tin cu scohe entre dos caminda diferente pa futuro di Aruba. E ta e escohencia entre bay bek den pasado cu e coalision di MEP/POR of sigui bai PADILANTI pa progreso y bienestar pa tur hende cu AVP.

Den e ocho añanan cu a pasa MEP a mustra di ta contra inovacion di nos pais, contra pa haci inversionnan den futuro di nos pais y contra di reparticion mas husto pa tur hende. Nan ta contra di inversionnan den entre otro e “Green Corridor”, e renobacion di centronan di ciudad, e renobacion y expansion di hospital pa mehora cuido medico, e renobacion di scolnan y inversionnan den barionan. (Drecha camindanan, pone luz, crea facilidadnan pa recreacion, miho seguridad.). Pero no ta esey so. MEP tabata contra di e rescate di e fondonan di pensioen cu awe ta sigura e entrada di mas cu 20 mil pensionado. MEP tabata contra di aumento di e onderstand pa mamanan soltera y di e “reparatietoeslag” pa pensionadonan y trahadornan. MEP a vota hasta contra di e bahamento di prijs di awa y coriente. MEP ta haya tur e desicionnan aki “prioridadnan robez” di AVP!

Esaki ta nifica cu si vota pa MEP/POR nan lo stop e renobacion di barionan y projectonan importante manera e uso di energia renovabel y e trabou inovativo di TNO. Nan lo stop e mehoracion di forsa di compra pa esnan mas vulnerabel. E riesgo cu MEP lo por stop e desaroyo y inovacion economico y social di Aruba ta demasiado grandi. E discriminacion abierto (“sin miedo”) di MEP di imigrantenan y di hende di cierto barionan, ta otro indicacion di e caminda robez cu MEP/POR.

E eleccion di dia 22 di September ta uno desisivo pa futuro di ….” [Partido AVP a surpasa e maximo di 300 palabra] 

170804 Lista AVP 2017

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

mail@arenapoliti.co

 

Advertising:

ads@bps.media

x

 

Inscribi pa ricibi un resumen semanal di e articulonan mas impactante.