Perspectiva Independiente without background 001

Donny Rasmijn ta adverti contra nepotismo

DonnyRasmijn01
Diahuebs dia 26 di oktober 2017 sr. Donny Rasmijn a haci uso di su ultimo oportunidad di hiba palabra como parlamentario den Parlamento, en todo caso pa awo, pa duna diferente advertencia.

NepotismoHaci abuso di bo posicion y poder pa faborece famia y amigonan, especialmente door di duna nan trabou, por ehempel den (departamentonan di) gobierno. Un forma di patronahe politico.

Nepotismo den pasado, presente y futuro
Sr. Rasmijn a expresa cu nepotismo ta tumando luga na Aruba pa hopi aña. Implicitamente sr. Rasmijn a expresa cu nepotismo a tuma luga no solamente door di gabinetenan anterior, pero tambe bou maneho di gabinete Mike Eman (AVP). Donny Rasmijn a adverti cu e lo sigui tuma luga bou di e siguiente gabinete tambe. Sin menciona MEP y POR explicitamente, sr. Rasmijn ta premira cu famia y sponsornan di esnan di MEP y POR lo wordo beneficia bou maneho di e siguiente gabinete. Donny Rasmijn a haci un apelacion na RED, cu hunto cu MEP y POR ta den negosacion pa forma e siguiente gabinete, pa para fuerte contra e ‘ola di nepotismo’ cu ta na caminda.

Si nos wak atras por remarca cu sr. Rasmijn mes, siendo parlamentario y miembro di fraccion AVP, mester a para (mas) fuerte contra e nepotismo cu e ta acusa gabinete Mike Eman (AVP) di dje. Si nos wak dilanti mester remarca cu ta bon cu un parlamentario ta vocifera e asunto aki y no ta ignora cu su propio partido tambe ta culpabel di esaki. Na luga di a usa su tempo pa despedi y felicita e proximo constelacion parlamentario, manera ta custumber durante e ultimo reunion publico di un constelacion parlamentario, Donny Rasmijn a usa su tempo pa duna un asunto serio atencion.

No work, no pay
Donny Rasmijn tambe a adverti e fraccion nobo di AVP pa e mocion di e fraccion anterior di AVP tocante ‘no work, no pay’ no bira bin bek riba nan manera un boomerang. AVP a reclama hopi cu e fraccion di MEP anterior no tawata presente suficiente den sala di Parlamento pa haci nan trabou. Awo cu AVP lo ta e partido den oposicion, e ta adverti nan pa nan si ta presente den sala di Parlamento continuamente. Sr. Rasmijn ta considera esaki un cuestion di etica y integridad.

Lesa tambe: “No work, no pay!” | Parlamentarionan ta cumpli cu nan trabou?

Politica nobo
Sr. Rasmijn tambe a elogia partidonan RAIZ y RED pa e forma cu nan a hiba campaña, expresando cu RAIZ y RED a core un campaña sin haci gastonan inecesario y sin intimidacion. Segun Donny Rasmijn esaki ta un cambio total den mentalidad y e ta para tras di e forma di hiba politica aki.

Disertacion completo di Donny Rasmijn:

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.