Perspectiva Independiente without background 001

mr. Juan Ady Thijsen (MEP): Tur posibilidadnan pa un areglo di conflicto ta habri ainda

160608 Ady Tweede Kamer
Parlamentario mr. Juan Ady Thijsen  ta satisfecho cu delegacion di Aruba a sa di contribui cu discucionan tocante un areglo di conflicto dentro di Reino Hulandez.  Parlamentario mr. Juan Ady Thijsen  ta indica cu e opinion pa cu e areglo di conflicto tabata trabao di equipo di MEP cu su persona como hurista y cabezante di delegacion di MEP, Democracia Real mr. Andin Bikker hurista y lider y AVP Rene Herde lider di su fraccion. Rene Herde ta fungi como lider di delegacion di Aruba y den tal funcion ta vocifera e trabao en conhunto di e tres fraccionan den e delegacion. Segun Parlamentario mr. Juan Ady Thijsen tin e siguiente posibilidadnan:

Propisicion Hulandes Minister Plasterk apoya pa Parlamento Hulandes: Minister Plasterk ta boga pa Raad van State (posibilidad A) duna un conseho ora di desacuerdo entre gobiernonan di Reino. E conseho aki por worde desvia di dje solamente ora tin motibonan valido. Aruba, Corsow y Sint Maarten no ta di acuerdo pasobra e no ta cumpli cu palabracionan di e parlamento di e paisnan den Reino entre otro e aspecto di obligacion di paisnan pa sigi desicionan riba desacuerdo.

Proposicion Aruba, Corsow y Sint Maarten:  pone e arreglo di conficto den man di Hoge Raad (posibilidad B) na manera cu e ta obligatorio pa sigi desicionan riba desacuerdo of bin cu un Corte especial (posibilidad C).

Impasse: Durante e reunionan di siman pasa a surgi un impasse ora cu representanen di parlamento Hulandes a nenga pa discuti proposicionan di Aruba, Corsow y Sint Maarten y a pidi pa Aruba, Corsow y Sint Maarten mustra boluntad pa yega na otro door di accepta un otro organo cu no ta Hoge Raad.

Sali di impasse: Pa sali for di e impasse y evita cu reunionan ta termina sin resultado delegacion di Aruba a presenta un posibilidad nobo (posibilidad E) esta pa desicionan riba conflicto huridico worde atendi pa Raad van State seccion Bestuurlijke Rechtsspraak (mester añadi si e posibilidad pa e seccion aki atende aspectonan constitutional) y pa desicionan di maneho worde atendi pa Raad van State seccion Adviezen.

E proposicion di delegacion di Aruba a worde bon ricibi sinembargo delegacionan a pidi tempo pa studia tur proposicionan. Di es manera aki segun Parlamentario mr. Juan Ady Thijsen  discucionan riba un arreglo di conflicto ta keda bibo pa siguiente reunionan y tur alternativanan ta riba mesa ainda.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.