Den Haag  – Minister Plenipotenciario Alfonso Boekhoudt a hiba palabra awe merdia den Tweede Kamer durante di e debate tocante e Ley di Reino riba Visa. Den su declaracion minister Boekhoudt a vocifera e punto di bista di Gobierno di Aruba ariba e ley aki.
Tambe Minister Plenipotenciario a entrega un amienda unda e ta stipula cu e Ley di Reino riba Visa lo mester tin un base huridico basa riba dos articulo den Statuut y no uno manera awor aki ta den e proposicion di ley.

Minister di Reino pa Asuntonan Exterior Bert Koenders tambe a hiba palabra den e debate, splicando e punto di bista pa kico mester bin un Ley di Reino riba Visa.

Staten di Aruba tambe a forma parti di debate. Staten a keda representa pa sr. Rene Herde (AVP), sr. Ady Thijsen (MEP) y sr. Andin Bikker (PDR).

Expresionnan haci den e articulo aki no necesariamente ta refleha opinion di ArenaPoliti.co