Perspectiva Independiente without background 001

MEP: Mester investiga Michelle Hooijboer-Winklaar

FraccionMEP38
Y e mester paga e 23 mil florin bek!  

STA. CRUZ -- Siman pasa a sali den publicidad e recibo di un caso cu minister Michelle Hooijboer-Winklaar a cuminsa den anja 2015, contra e corant Solo di Pueblo y su director Edmond Croes.
Tabata trata di un caso di difamacion, pasobra e corant a publica varios articulo tocante e deal cuestionable di minister Michelle Hooijboer-Winklaar y e seguro pa studiante "Insure-to-study". Un seguro cu te awe ainda ta perhudicando nos studiantenan enormemente.
E deal ta mas cuestionable debi na e relacion entre e esposo di e minister, y e doñonan di e seguro, y hues a dicta cu ta principalmente e relacion ey ta hasi e deal cuestionable. Hues a bisa cu tanto palabra cu e deal cu minister Hooijboer a sera ta perhudica studiantenan, y cu e relacion entre su esposo y e donjonan ta laga un mancha scur atras.

Durante tratamento di e caso a bin cla padilanti cu e caso no ta pa defamacion contra e minister sino pa difamacion di e ESPOSO di e minister.
Den e caso ey e minister no tabata tin derecho ni autoridad pa laga Gobierno paga e gastonan.
E gastonan di e kort geding ey tabata pa gobierno paga 23 mil florin! Siendo cu tabata pa difamacion di su esposo.
Esaki ta algo cu mester wordo investiga profundamente, y si ta asina cu e minister a tuma un decision equiboca, e mester paga e placa ey bek na gobierno.
Nos ta tratando e cuenta anual pa 2015 den parlamento, y ta den e cuenta anual ey e informacion aki a bin padilanti. Pues nos ta den pleno investigacion pa na momento di tratamento di e cuenta anual den parlamento, nos trese e punto aki padilanti.
Un cos ta sigur, si e minister a cuminsa e caso djis pa clear su nomber of di su casa, e no ta un gasto cu gobierno mester carga. E ta un gasto priva cu e mes mester carga, y no pone pueblo carg'e p'e. Riba dje ela perde e caso mahos, kiermen mas motibo ainda pa investiga.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.