Despues di e protocol di 2 mei (CAft) y e evaluacion y conseho di Cft (4 juni) , pueblo atrobe ta den espera di te na unda Gobierno di Aruba lo cumpli cu acuerdonan haci y "consehonan" ricibi, y kico e consecuencianan lo ta pa nos finansas publico, finansas personal, y autonomia financiero di nos pais.

E intervencion di Gobierno Hulandes den nos finansas publico ya caba a resulta den cambionan den presupuesto y maneho di Gabinete Mike Eman II. E presion tambe a yega den Parlamento, cu entrega di un amienda d fraccion AVP pa aumenta BAZV Health tax) cu 1%, y baha prima di AZV cu 1%. Un aumento cu segun Cft ta un bon paso, pero no suficiente.

Partidonan politico di Aruba a reacciona diferente riba e intervencion di Gobierno Hulandes. E intervencion tin partidonan flip-flopping, rabia, contento of cu sentimentonan mixto.
Den Pueblo tambe por scucha diferente reaccion. Entre otro por scucha e opinion cu e intervencion ta bon paso "sino nos finansas publico lo keda bira pio", y tambe cu e intervencion ta un berguensa y "un stap grandi bay atras den loke ta trata nos autonomia". Tambe tin esnan cu ta wak e como un lose-lose situation, pa motibo cu nan ta di opinion cu sin e intervencion cos lo bay malo cu maneho di nos finansas, y cu intervencion nos ta perde e abilidad di tuma nos propio decisionnan.

Manera ta e caso cu tur tema importante pa nos pais, e argumentonan mas fuerte ta bin dilanti ora ciudadano y politico pensa riba loke ta miho pa Aruba, y no loke ta miho pa un partido of pa siguiente eleccion.
Kico abo ta pensa? Vota den e encuesta, y splica bo punto di bista den e seccion di comentario. Sinti’bo liber pa comparti bo opinion y ideanan via nos Facebook page tambe: facebook.com/ArenaPoliti.co

Expresionnan haci den e articulo aki no necesariamente ta refleha opinion di ArenaPoliti.co