Peticion pa reunion urgente honra despues di 7 luna

(Tempo pa lesa: 1 - 2 minuut)
Parlamento sala
Better late than never. 


E peticion urgente di fraccion di MEP pa un reunion publico pa trata otorgamento di tereno a wordo honra y lo tuma luga 5 di september 2016. E peticion a wordo entrega na presidente di Parlamento Marisol Lopez-Tromp dia 18 di januari 2016. Fraccion di MEP tambe a manda 4 reminders na februari, maart, mei y juli.

E peticion ta ensera un reunion publico tocante otorgamento di tereno y cambio di destinacion di tereno. Pa basta tempo caba parlamentarionan di MEP ta acusa e minister encarga cu otorgamento di tereno (Benny Sevinger) di ta privilegia personanan liga na AVP y di corupcion den e proceso di otorga tereno. Durante e lunanan cu e reunion no a wordo yama, e cantidad di terenonan otorga cu ta wordo cuestiona a keda aumenta, incluyendo 'leaks' di documentonan y email cu a wordo publica den Solo di Pueblo.

Den e peticion inicial parlamentarionan di MEP ta pidi e presidente di Parlamento pa invita tanto minister Sevinger como prome minister Eman pa ta presente den e reunion publico.
Probablemente por spera un mocion di desconfiansa contra minister Sevinger. No lo ta prome biaha cu un mocion di desconfiansa ta wordo entrega contra minister Sevinger. Na februari di e aña aki parlamentarionan di MEP, sr. Bikker (PDR) y sra. Lopez-Tromp (e tempo ey miembro di AVP) a vota na fabor di un mocion di desconfiansa contra minister Sevinger. Cu sosten di e 12 parlamentarionan actual di AVP, e mocion di februari a keda rechasa.

Peticion pa e reunion publico:
160119 Peticion reunion publico otorga tereno
160815 oproeping RP tereno

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

mail@arenapoliti.co

 

Advertising:

ads@bps.media

x

 

Inscribi pa ricibi un resumen semanal di e articulonan mas impactante.