E siman aki miembronan di Eerste y Tweede Kamer di Hulanda ta na Aruba pa reuni cu parlamentarionan di Aruba, Corsou y Sint Maarten.

Un cos cu ta masha remarcable ta e desconfiansa cu e politiconan hulandes ta sinti pa loke ta trata gobierno di Aruba. Nan ta contento cu gobierno di Aruba a cuminsa tuma cierto pasonan, pero e desconfiansa ta keda. E relacion entre Hulanda y Mike Eman ta hopi tenso.

Esaki ta e prome reunion interparlamentario desde e welga di hamber di Mike Eman, y desde cu Mike Eman a insulta y ofende Gobernador, gobierno di Hulanda y politiconan hulandes. Varios di nan a sinti nan mes hopi ofendi pa esaki.

Parlamentarionan di MEP presente na e reunionnan aki a trata na splica e hulandesnan cu no ta tur hende ta pensa asina, es mas, cu ta solamente un grupito a sostene Mike Eman den esaki. Cu e pueblo di Aruba ta sostene nos Gobernador den su accionnan, cu Gobernador te hasta a wordo eligi pa pueblo como “Man of the Year”.

Un cos si e mayoria ta conbensi: Mike Eman y partido AVP a causa e problemanan serio cu nos pais ta aden, nan no por forma parti di e solucion.

E reunionnan lo dura te fin di e siman aki.

Expresionnan haci den e articulo aki no necesariamente ta refleha opinion di ArenaPoliti.co