Perspectiva Independiente without background 001

MEP na Leslie Merkies (AVP): Integridad bo tin, of bo no tin

MEP01Ningun regla of ley ta crea gobernante, ni parlamentario integro!
Cu asombro MEP a tuma nota di e comunicado di e coordinador di gabinete Mike Eman, Leslie Merkies, tocante integridad di gobernante. Leslie Merkies tin rason den su ponencia cu ningun regla of ley por hasi un gobernante ni parlamentario integro. Pasobra integridad bo tin'e of bo no tin'e! Bo no por hay'e den ley.

Pero ta hustamente pasobra Aruba tin gobernantenan cu NO ta integro, bo mester di reglanan di integridad pa sera nan! Den pasado un solo gobernante a yega di wordo condena pa fraude den gobernacion, Tico Croes, cu tabata lider di AVP y minister di finansas pa AVP. Pero si bo compara locual e gran mayoria di ministernan ta hasiendo awendia, ta nada compara cu e crimennan di Tico Croes cu SI a haya un condena criminal.

No mester bai hopi den tempo, (1) LAINDA-GATE, (2) BUSHIRI-GATE, (3) ARUBUS-GATE, (4) STRAWBERRY-GATE, (5) INSURE-TO-STUDY-GATE, (6) PAUL CROES-1000 FLORIN - GATE, (7) LOTTO-ALARMA-GATE, (8) RADAR-GATE, (9) KIKO GOMEZ-GATE, (10) TRAILER DI MANSUR-GATE, (11) SCIENTOLOGY-GATE, (12) CHAPALETA-APA-GATE, ta apenas algun pa menciona. Escandalo tras di escandalo ta loke tur hende conose Mike Eman y AVP p'e.

Mester duna credito na Leslie Merkies tambe pa e hecho cu como coordinador di gabinete Mike Eman ta tribi di mustra dede den cara di Mike Eman pa cu problemanan di integridad. Esaki ta algun criteria cu Leslie Merkies MES a delinia como problemanan di integridad:

1. Pa nos pais por logra na haya figuranan integro den funcionnan di gobernante, nos lidernan politico mester cuminsa na pone candidatonan integro riba nan lista electoral di partido. Aki Leslie Merkies ta referi na Mike Eman mes cu a presta 1 miyon dollar na INTERBANK y nunca a paga esaki bek! Cu esaki Mike Eman ta mes ladron cu cualquier ladron cu horta 1,8 miyon florin na un banco of di un caminda ta bende catochi. Tambe Merkies ta referi na Marlon Sneek, ladron di jeans, wisky y aros. Pues un sentencia di ta BANDIDO, manera Merkies mes a skibi. Sin conta e escandalonan entorno e parlamentarionan di AVP cu abuso di hende muher, cu abuso di cocaina, y cu causa accidente burachi y core bai!

2. Mas alew Merkies ta cuestiona si Mike Eman ta un hende integro, mirando e papel dudoso cu Mike Eman a hunga den sabotahe den caya Betico Croes na 2007, sabotahe contra Parlamento na 2008, permitiendo hendenan ocupa Parlamento, sende candela, rementa tubonan di awa, causando danjo di miles y miles di florin. Ademas, naturlamente e instigacion constante di Mike Eman den e welga di 8 siman na 2008.

3. Finalmente Merkies ta cuestiona Mike Eman su lealtad, mirando cu Mike Eman ta permiti nepotismo den dia cla: practicamente tur parlamentario di AVP nan casa ta traha pa Gabinete Mike Eman, of a haya un of otro contrato di Mike Eman. Sin conta tur locual e ministernan mes ta hasiendo pa nan casa y demas famia: casonan di abogado pa defende, pakete di seguro pa nan enriquese nan mes, tur e huurnan di tanchi, y tur e tanta y omo nan cu ta emplea serca e minister.

Leslie Merkies tin rason den cuestiona integridad di Mike Eman, y mester dun'e credito pa e curashi cu el'a demostra den esaki.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.