{idkey=9574b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5930-dangui-oduber-mep-corrupcion-y-falta-di-transparencia-di-gobierno-di-avp-destrui-nos-pais%3FItemid%3D101][title=Dangui+Oduber+%28MEP%29%3A+Corrupcion+y+falta+di+transparencia+di+gobierno+di+AVP+destrui+nos+pais%21][desc=]}
Aki 74 dia pueblo di Aruba ta haya e oportunidad pa bai urna electoral y scohe su gobierno na un manera democratico. Ta importante pa nos como politiconan duna pueblo informacion y ta transparente tambe cu e votadornan. Un cos ta sigur riba 22 di September 2017, e gobierno di AVP NO por bolbe! E gobierno di AVP ta e gobierno di mas corrupto den historia di pais Aruba. Un gobierno cu a inverti den infrastructura pa crea un netwerk di corrpupcion nunca antes bisto na e pais aki. Mike Eman como minister presidente a insisti pa ehecuta proyectonan grandi manera Green Corridor, Watty Vos Boulevard y renobacion y ampliacion di hospital. E insistencia aki ta pasobra hopi placa a wordo reparti tras di cortina. Esey ta e realidad.

Pa esnan cu no sa mi ta sugeri nan pa subi e website di camara di comercio https://www.arubachamber.com/ y busca e nomber di e compania cu ta maneha Green Corridor cu ta costa nos pueblo 400 miyon florin. Busca e compania CARIBBEAN INFRASTRUCTURE COMPANY (CIC) y wak pa bo mes kende ta un di e managing directorsnan. Nada mas y nada menos cu sobrina di Leoncita Arends. E mesun Leoncita Arends cu a haya mas cu 120.000 M2 di tereno, NO pa desaroya sino pa pone na benta y specula cu tereno di pueblo. Leoncita hunto cu Benny Sevinger a kita tereno for di pueblo pa nan haci negoshi cu nan. Di e manera aki na un manera structura y organiza a abusa di fondonan publico, abusa di terenonan di pueblo cu e unico meta pa enrikece E grupito ELITE di AVP, e grupito ELITE rond di Mike Eman y Benny Sevinger!

E problema mas grandi cu tin na Aruba banda di e costo di bida haltisimo, e problemanan social, e cuido medico mediocre, e criminalidad for di man ta e GRADO di corrupcion na Aruba.

Na e momentonan aki tin ex minister of minister, nos no sa mas, Paul Croes, en todo caso un minister sin cartera ta cana cas ta pidi pueblo sosten sabiendo cu e NO ta ministreriabel na e momentonan aki mirando cu e ta bao di un investgacion penal.Un investigacion riba soborno y corrupcion caminda ta tilda e minister di ta meti den bendemento di permiso. Hecho ta cu e minister en cuestion a duna 1800 ONTHEFFING y asina a kita pan di 1800 persona cu ta biba riba e pais aki. E la duna ontheffing pa jardinero, pa security, pa waitress, pa kokki y asina na un cantidad di profesion cu NO mester busca hende di afor pa nan. Un decadencia total caminda politiconan cu mester duna e bin ehempel ta duna e mal ehempel canando buscando voto manera nanda NO a sosode siendo cu keto bai e NO a wordo delcara liber di e acusacionan hopi serio cu tin den su contra!

Tin varios keho a wordo entrega na ministerio publico contra minister Benny Sevinger relaciona cu speculacion cu tereno y te dia di awe ministerio publico no a haci nada nada riba e casonan aki. Tin bendemento di permiso di labor, tin bendemento di permiso di estadia, casa di ministernan mes ta fungi como tramitadora, casa di minister ta bende santo y piedra na Green Corridor y tur esaki e pueblo mester guli manda abou y accepta. Un gobierno corrupto mester wordo manda cas pasobra politiconan tey pa sirbi pueblo, sirbi pais, sirbi interes general y no pa sirbi nan propio interes, interes di nan cartera y interes di e grupito ELITE di Canal 90. E pueblo aki su hendenan NO a progesa y ora bo mira con ministernan ta biba, con e grupo Elite ta biba nos tur tin cu oara keto un rato y puntra nos mes, unda tur e biyonesnan nan cu Mike Eman a endued nos pais a bai? Kende ta esnan cu realmente e beneficia di 8 anja du AVP! E contesta ta simple, e grupo Elite di AVP cu a haya tur loke nan a pidi.

Un gobierno cu ta corrupto y no ta transparente no merece sosten y confianza mas di pueblo. Un gobierno cu NO kier duna cuenta na pueblo y cada vez ta sconde informacion na pueblo y ta corre pa asumi nan responsabilidad mester bai.

Corrupcion a caba cu hopi pais na mundo, BAN NO LAGA ESAKI SOSODE CU NOS DUSHI ARUBA!

Expresionnan haci den e articulo aki no necesariamente ta refleha opinion di ArenaPoliti.co