{idkey=4113b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F6049-benny-nisbet-ppa-maneho-economico-di-ppa-lo-tin-un-spin-off-effect-financiero-positivo-riba-nos-pais%3FItemid%3D101][title=Benny+Nisbet+%28PPA%29%3A+Maneho+economico+di+PPA+lo+tin+un+%E2%80%98spin+off+effect%E2%80%99+financiero+positivo+riba+nos+pais%21][desc=]}
Aruba ta den un crisis financiero economico hopi serio !! E pregunta cu ta worde hasi ta ….con bo partido tin intencion pa soluciona e problematica aki - goberna Aruba- y garantisa un desaroyo economico den futuro ? 
Segun PPA masha poco di e partido politiconan cu ta bai eleccion a contesta e pregunta aki te na e momento aki !! 

E crisis financiero: 

PPA a splica cu primeramente lo mester decreta cu Aruba ta den un crisis !! PPA lo bin cu un forma nobo di traha e presupuesto. Sigui pa un maneho di crisis!! * Baha cantidad di Ministro pa siete (7) * stipula plafond pa staf y personal di un ministerio. *stipula e terenonan na unda NO lo baha gasto pa PPA esaki ta A. Ensenansa cu lo mester aumenta pa 6.5 %. B. e lucha contra criminalidad C. Salud Publico y D. Inversion den maneho economico. Por lo demas departamento lo mester hiba un lucha forma pa baha gasto pa un porcentahe cu lo worde stipula. E. Maneho di Ministro y staf lo worde limita na un presupuesto limita !! D. Consultancy solamente ora ta strictamente necesario. E. Lo decreta un ‘personeelstop’ pa un periodo ! 

Maneho Economico: 

PPA lo hiba un maneho economico dinamico dentro di e limitenan cu a worde stipula. Aruba pa 31 anja NO a logra planta semiya cu por crece pa un of mas pilar economico. Esaki lo ta e meta principal pa partido PPA esta crea un of mas pilar economico cu lo por hiba Aruba pa e Proximo Nivel.

Un partido kier hiba Aruba dilanti door di planta ‘canabis/marihuana’…..PPA ta desea di hiba Aruba dilanti door di e.o.:

1. Un Aruba Word Trade Center combina cu un Universidad y 2 business hotels. 
   - PPA ta mira cu primeramente gobierno lo mester larga hasi un ‘estudio’ riba e materia aki cu cual estudio lo por bai enbusca di inversionista cu lo por ta interesa de inverti den sea e AWTC of e edificio pa un Universidad International y dos business hotels. 
2. Diversifica e producto turistico di Aruba door di stimula e.o. cu Convention tourism, Golfersdestination y un Health & Wellness Tourism. Esaki lo ensera un Golf Course International na Seroe Colorado mara na maximum 3 hotel den un periodo di DIEZ (10) anja basa riba crecemento di e Mercado laboral di nos pais. Un di e hotelnan aki lo mester ta un SPA hotel ! 
   - Pa inicia e desaroyo aki PPA ta di opinion cu gobierno p/m di un compania 100% di gobierno lo mester inicia pa ejecuta un International golfcourse. Seguidamente lo tin espacio pa maximalmente 3 hotel pero mara na DIEZ anja y e Mercado Laboral.
3. PPA lo crea un concept aparte di un ‘Education Village y un Education Free zone’ cual lo crea un sitio apart di desaroyo y un knowledge center. Aki tambe PPA tin intencion di funda un Aruba Education Village & Real Estate Company’ cu gobierno lo pasa un tereno grandi como propiedad pa asina esak sirbi como ‘colateral’ pa hanja fondo pa inverti. E spin-off lo ta enorme pa nos pais.
4. PPA lo inverti p/m di APA NV den nos haf ….lo expande e sitionan di nos haf di 3 pa 4 pa 6 of 7 cual lo por nifica un 350.000 turista crusero mas pa Aruba !
5. PPA lo hiba un maneho di stimula nos hafnan e.o. nos haf na barcadera en cooperacion cu esnan encarga cu e haf menciona y PPA lo stimula desaroyo di e aerea di Barcadera cu e spinoff di e haf aki!
6. PPA lo stimula desaroyo en general rond di nos telecomunicacion/Setar lo hasi lo maximo pa stimula projectonan cu por hasi Aruba un HUB riba tereno di Telecomunicacion. 

E maneho aki lo crea cupo di trabao di calidad ! Y lo tin un effecto financiero - economico positivo pa nos pais.

Un vez mas e informacion di demas partido con nan lo kier stimula desaroyo economico di nos pais ta sumamente limita…fuera di planta cannabis/marihuana nos no a tende mucho. PPA su maneho financiero- economico ta basta cla y nos ta spera cu si pueblo ta desea pa mehora nan status…..nan LEVELUP….Switch & vote PPA !!


Aruba, 23 di juli 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co