{idkey=5461b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F6315-benny-nisbet-ppa-un-aruba-world-trade-center-combina-universidad-lo-ta-e-proximo-pilar-economico%3FItemid%3D101][title=Benny+Nisbet+%28PPA%29%3A+%E2%80%98Un+Aruba+World+Trade+Center+combina+Universidad%E2%80%99+lo+ta+e+proximo+pilar+economico%21%E2%80%99][desc=]}
31 anja Aruba ta den nos Status Aparte cu e libertad y e derecho di implementa un maneho economico cu lo ‘diversifica’ nos economia sinembargo 31 anja largo e diferente signature di AVP/MEP no a logra inverti den un semiya nobo cu lo por conduci na esaki !

PPA su programa ‘Aruba pa e Proximo Nivel’ ta ensera un maneho economico dinamico cu tin como meta ‘diversificacion’ di nos producto turistico y ‘diversificacion’ di nos economia. Pa diversificacion di nos economia PPA su programa ta ensera:

1. Stimula inversion den un Aruba World Trade Center cual lo permiti Aruba participa riba tereno di International Trade!
2. Inverti den expancion di e sitionan disponibel pa Cruise ships por para for di 3 actualmente pa 6 of 7 sitio y un maneho cu lo ensera e haf di Oranjestad como un ‘port of call’ y como un ‘port of embarkation’.
3. Inverti den un ‘Aruba Education Village/Free Zone & Real Estate development.
4. Inverti den un Seroe Colorado International Golf Course mara na 3 hotel pero esaki den periodo di DIEZ anja y mara na crecemento di nos Mercado laboral Arubano.
5. Inverti den un ‘SN Our Caribbean Town’.
6. Tambe PPA tin como alternativa si acaso e ‘Upgrader’ no bira realidad pa crea un desaroyo di ‘Shipbuilding & Shipservices’ riba e tereno Industrial y analisa si un posibel Containerhaven pa region lo por ta factible.
7. Y naturalmente ‘diversificacion’ di nos producto turistico cu Convention Tourism, Golfersdestination y un sector di Health & Wellness. 

Den e articulo aki PPA ta desea di dedica atencion na un ‘Aruba World Trade Center combina Universidad International’cu nos ta ripiti lo por worde desaroya cu e ta bira e proximo pilar economico y ta duna espacio pa hopi studiante cu ta keda pega den exterior por logra cupo di trabao di valor aki.

ARUBA WORLD TRADE CENTER:

PPA ta kere den ‘reaching for the stars; cu ta ensera hasi un esfuerzo pa logra lo maximo riba otro tereno unda Aruba na e momento aki NO ta activo. Kiko ta un Aruba World Trade Center ?

Esaki ta un facilidad cu ta funciona como Trade Center cu ta ofrece tur servicio commercial International incluyendo e estatidistica necesario y analisis cu lo ensera tambe un centro di comercio modern y un Hotel complex moderno dirigi riba comercio den region.

E meta lo ta e.o. pa complete e vision di Aruba( y PPA) pa bira un HUB den Caribe entre Caribe, Sur y Centro America y Europa y Caribe y Norte America y Caribe y paisnan Asiatico. Dentro di cual vision Aruba y nos AWTC lo por despleha un rol sumamente importante.

E compleho lo consisti di algun ‘Toren’ connecta cu otro pa medio di corridornan commercial. E compleo lo consisti di un centro commercial, Un Universidad International cu facultadnan di e.o. Comercio International, IT y Idioma y dos business hotels cual nan infrastructura ta dirigi completamente riba e necesidad di Ejecutivonan pa cu comercio International.

E compleho lo consisti di:

1. Un Hal di recepcion espacioso,
2. Un Auditorium espacioso,
3. Algun Showrooms grandi,
4. Varios Conference centers
5. Varios ‘meeting rooms’,
6. Un cantidad di oficinanan cu nan fascilidadnan,
7. Presencia di departamentonan di gobierno di Aruba e.o. Departamento Economico, ATA, C.B.S., etc.
8. Lo hasi un esfuerzo pa hasi paisnan interesa pa pone nan embahada/representacion den e compleho aki.
9. Lo tin un Yacht harbour modern cu tur infrastructura necesarioo.

E compleho lo stimula presenta tambe di:

1. Servicio Bankero complete.
2. Servicio Postal
3. Servicio di ITS
4. Agencia di viahe
5. Servicio Legal, Notario y abogadonan etc
6. Servicio Notarial,
7. Servicio di Traduccion
8. Presencia
9. Restaurantnan di clase
10. Fascilidad di Gym
11. Post di Eerste Hulp
12. Servicio di Siguridad *5 star service !
13. Servicio di Limousin * 5 star service !
14. Espacio di parkeo priva pa AWTC su clientenan y bishitantenan u mucho mas

*** PPA kier remarca cu presencia di un AWTC ta crea hopi espacio pa nos ‘millinnials’ como entrepreneurs por ta mas creativo posibel.

SITIO DI E LOCATION PA UN ARUBA WORLD TRADE CENTER ?
E sitio mas adecua segun PPA pa un projecto grandi asina ta e tereno cu a bin liber cu mudamento di nos Containerhaven pa Barcadera. Aki nos ta referi na un parti grandi di e ex Containerhaven y Free Zone na Oranjestad. E location escohi mester ta ‘on walking distance’ di centro di bo ciudad y bo banking sector. E mester ta situa banda di e caretera di mas ‘druk’ riba bo isla/pais y nos ta referi akin a LG Smith Boulevard. Tambe for di e sitio aki bo mester por mira e ‘avionan’ cu ta jega bo pais y for di e sitio aki bo mester por tin un vista riba e movicion di barco/bapor den bo haf…cu otro palabra un sitio mas adecuado cu nos a menciona no tin.

E ‘endeavor’ aki lo ensera un inversion hopi grandi den ‘real estate’ y su presencia lo tin un ‘spinoff effect’ hopi grandi riba bo pais. Invertiendo den e infraostructura necesario pero tambe e resultado treciendo anualmente un turista di nivel ‘business class tourist’ pa bo Isla cu e meta pa nan participa den Conferencianan y Seminarionan International cu lo worde organisa.

PPA no tin e minimo duda cu nos pais stima Aruba por enfrenta e reto aki den tur sentido di palabra. Un AWTC lo no cai for di cielo !! E ta un projecto cu lo dura anjas pa planifica y ehecuta pero una vez e tey nos pueblo cu nos dominio di varios idioma, nos experiencia den turismo y eventual preparacion ‘extra’ pa e reto aki lo crea cupo di trabao di valor pa e proximo anjanan dedica grandemente na nos juinan professional cu a studia den exterior y local pa por confronta un futuro dinamico.

PPA kier hiba ‘Aruba pa e Proximo Nivel’ y hunto cu UPP kier ofrece pueblo un ‘Miho Majan’ tur basa riba e principionan di ‘Good Governance y un Progreso Balansa’.

Aruba, 28 di augustus 2017
Secretario General di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co