Perspectiva Independiente without background 001

Andin Bikker (PDR): Resultado historico di amiendanan presenta pa PDR na Tweede Kamer

AndinBikker05
Den rueda di prensa di PDR, Andin Bikker a splica cu su fraccion ta haciendo algo historico na tweede kamer pa loke ta trata e tratamento di leynan federal (rijkswet). 

Bikker a trece dilanti cu na 2010 a pasa un iniciativa di PDR caminda desde 2015 Aruba ta e prome pais den Reino cu tin apelacion di belasting y proteccion di belasting den tres instancia, y esey ta contribui tambe na e clima di inversion. 

Bikker a splica cu pa hende cu ta na bida cu sea ta traha of tin un negoshi e probabilidad pa un dia haya su mes confronta cu un diferencia di opinion di belasting ta basta grandi, pero ora  tin e proteccion, e por bay na diferente Corte y si na prome instancia e no ta haya razon e por bay te Hoge Raad. 

Algo cu ta beneficia empresarionan internacional cu kier inverti den un negoshi na Aruba, caminda si un dia nan haya un diferencia di opinion cu Belastingsdienst, nan tin proteccion fiscal y nan por apela hasta den Corte Supremo na Den Haag y esaki ta inspira confianza y ta duna e clima di inversion valor.

Bikker a splica cu esaki ta conta tambe tambe pa Curacao, Sint Maarten y e Islanan Bonaire, Eustatius y Saba.

Tambe un par di siman atras Parlamento a haya e grato noticia cu e amienda presenta pa PDR,  a drenta Tweede Kamer dia 11 di Februari. Esaki ta  pa amplia e proteccion fiscal ainda mas cu preguntanan prehudicial caminda no tin mester di bay te Hoge Raad sino cu si Corte di Prome Instancia ta haya cu tin pregunta hopi relevante y cu por bay  direct na Hoge Raad pa wak kico nan ta pensa riba dje, ora tur hende tin claridad no tin nodi gasta miles di florin y warda cinco aña prome cu bo yega Den Haag.

Segun Andin Bikker esaki ta un adelanto a base di un amienda cu dia 11 di Februari a wordo entrega, conhuntamente cu su amigonan colega Dammers y Thijsen y esaki ta mustra cu Parlamento ta traha conhuntamente.

Bikker a concipia e amienda y a presente na nan, y nan a haya nan mes den dje y a bay di acuerdo cune.

Tambe dos siman pasa a drenta e noticia cu pa duna realza nos idioma Papiamento y e lenga materno di Sint Maarten, Saba y Sint Eustatius cu ta Ingles un amienda tambe a keda entrega na Tweede Kamer desde Diabierna siman pasa.

Bikker a splica cu e leynan federal hopi biaha nos ta laga nan un banda y ta concentra riba leynan local so y nos ta lubida cu e leynan federal ta touch nos directamente.

Tin leynan federal cu ta regarda tratadonan internacional cu hasta ta riba nos leynan local y tur esakinan lo bira rijkswet.

El a papia tambe di e parti di hurisprudencia of administracion di husticia cu tambe ta bay via rijkswet. Esey ta haci cu e amienda historico di PDR di 2010 ta haci cu awor por tin casonan di apelacion di belasting den tres instancia, y tin  mas ley desde cu PDR a drenta Parlamento y durante casi siete aña sirbiendo pueblo, Bikker a cuminza duna nan atencion.

Andin Bikker ta gradici e otro fraccionnan cu tambe a realiza e importancia di duna mas atencion na e leynan federal aki y cu awor ta dunando resultadonan concreto pa nos pais, pa nos ciudadanonan, y den e proceso pa e ciudadanonan di full Reino Hulandes Caribense pasobra cada biaha cu un amienda asina ta keda aproba e no ta solamente pa Aruba pero pa henter e hurisdiccionnan di Curacao, Sint Maarten, Bonaire, Saba y Sint Eustatius. Esaki ta algo historico y ehemplar cu PDR ta haciendo den esaki, e lider di PDR a bisa.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.