Perspectiva Independiente without background 001

Karel Maduro (MEP): E Grinch berde ta repartiendo un prosperidad cu no ta existi

KarelMaduro02
Pueblo di Aruba, ora un gobierno ta bay duna cualkier beneficio financiero na e pueblo, esaki mester por sosode den cuadro di un prosperidad cu di berdad ta existi. No tin prosperidad pa 2017,  siendo AVP na mando, pues ta di loke e no tin, e ta bay duna. E consecuencia di esaki ta bay ta mas debe pa e pais y mas fiansa riba e mercado financiero na un interes hopi halto. Tur locual sr. PM Eman a firma den e  oficina cu ta un replica di e oficina di e Anti-Cristo na Europa, no ta un ley. E ta un MB (ministeriële beschikking) di cual su meta NO ta pa beneficia e pueblo di Aruba, sino pa probecho politico partidista pa AVP den e aña electoral 2017. Sr. PM Eman ta paga e beneficiadonan cu placa cu sr. Eman no tin, ta crea un debe cu esaki, y ta fia e placa for di su banco amigo na un interes haltisimo. Despues e propio pueblo tin cu paga e placa bek via medidanan propone y implementa door di su gobierno. Prosperidad ta segun sr. Eman su propaganda manipulativo cu ta inclui e reapertura di e refineria. Pa 2017, esaki lo no ta operacional ainda segun e real estate RDA. Citgo ta suplicando PDVSA pa un suma chikito di 100 miyon dollar pa por cuminsa. Segun CAFT, ta puntra gobierno pa duna un bista detaya di e risiconan como consecuencia di e garantianan cu gobierno di Aruba a compromete su mes cu nan. Entre otro 300 miyon minimal te cu un maximal di e total inversion di Citgo (10 biyon dollar). E desaroyo economico di país Aruba segun Banco Central y CAFT ta bay ta casi nada! Sr. Eman mester por duna di placa cu e tin den caha y no crea mas debe djis pa gana eleccion pa keda na poder pa haci su mes y amigonan mas rico riba custia di e pueblo. Tur esnan cu ta riba payroll di PM no por comenta nada ni con malo nan ta mira e situacion. Esaki ta igual cu un pedofiel cu ta abusa di un criatura cu no por papia pa motibo di menasa contra dje. E pueblo merece un mihor entrada y mihor beneficionan social pero di un prosperidad cu e pais tin y NO uno ficticio. Baha awa y corriente den 2017 ta pa motibo cu hedging ta termina SIN consecuencia pa e propio gobierno. Con mas caro pueblo a paga pa coriente y awa durante tres aña?   E anuncio di PM ta parce alentador pero e ta mas un anuncio di morto financiero pa e país. Hamber pa poder ta haci cu e mandatario lo sacrifica su propio pueblo anto bao harimento.  

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.