Siman pasa, ArenaPoliti.co a anuncia un encuesta den cual bo por vota pa un partido cada 7 dia. Den e articulo aki, ArenaPoliti.co ta presenta e resultado di e prome 7 dianan (24 te cu 30 di november).

A base di e resultado aki, e cantidad di asiento cu partidonan lo haya ta:
AVP: 10 (9 + 1 restzetel)
MEP: 9 (7 + 2 restzetels)
PDR: 2
RED: 0
UPP: 0
PPA: 0

Mester remarca cu, den e calculacion di restzetels, MEP a logra haya e di tres restzetel cu un diferencia di solamente 0,34%. Si e di tres restzetel lo a bay pa AVP, AVP lo a yega 11 asiento y MEP lo tin 8 asiento.
Mientras cu e resultado no ta igual na e resultado di eleccion 2013, e orden di partido mas grandi pa partido mas chikito a keda mesun cos. Partidonan AVP y PPA a baha den voto (relativamente). MEP, PDR, RED y UPP a subi den voto (relativamente).

Voto pa e opcion ‘Mi no sa’ a wordo considera como ‘non-votes’ pa e calculacion. E porcentahe di voto pa e opcion ‘Mi no sa’ ta suficiente pa casi 2 asiento. E grupo aki lo por tin un influencia significante riba e resultado final.

Pa vota y pa wak e resultado mas actual, wak e poll abou.

Tur siman bo por vota anonimamente den e encuesta di ArenaPoliti.co. Despues di cada biaha cu bo vota, bo no lo por vota atrobe durante 7 dia. Asina cu e 7 dianan pasa, bo por vota atrobe.

E resultadonan di cada siman lo ta visibel na tur momento. Bo mes por determina e periodo di cual bo kier wak e resultado.

Intencion di e encuesta ta pa yega na indicacionnan di votacion di Pueblo, y e cambio den votacion durante tempo. Mas hende participa, miho e indicacionnan lo bira. Nos ta spera cu mas y mas hende keda particpa, pa asina e indicacionnan di e encuesta yega mas serca cu ta posibel di e situacion real.

E encuesta ta keda accesibel riba e homepage di ArenaPoliti.co. Si bo ta bishita ArenaPoliti.co for di bo smartphone, scroll bay abou riba e homepage y bo lo wak e encuesta. Si bo bishita ArenaPoliti.co for di bo laptop/desktop, bo ta haya e encuesta riba e homepage, rechts ariba.

Keda up to date door di like e Facebook page: facebook.com/ArenaPoliti.co

Sexy Polling: there is nothing to show!

Expresionnan haci den e articulo aki no necesariamente ta refleha opinion di ArenaPoliti.co