Segun IMF, diversificacion, reforma fiscal y medidanan ta necesario pa baha debe
Segun IMF, Aruba keto bay ta recuperando di e double-dip recession. Turismo ta hunga e rol mas importante den e proceso di recuperacion, pero economia a perde momentum. IMF ta remarca cu mas cu 85% di Aruba su economia ta depende riba turismo. Solamente dos otro pais na mundo ta depende mas riba turismo. Mientras cu IMF ta positivo pa cu nos turismo, ta señala cu Aruba ta vulnerabel dependiendo asino hopi riba turismo. Esaki ta haci cu desaroyonan externo, cu Aruba no por controla, por afecta Aruba su economia den un forma negativo. Especialmente desaroyonan na U.S.A. y Venezuela, for di unda mayoria di turista ta bin.Initiativanan pa diversicacion di e mercadonan y promocion di Aruba como un upscale destination a duna resultado. Apesar di e resultadonan aki, IMF ta kere cu mester di mas diversificacion.
Mencionando un current account deficit di 7,5%, un external debt di 105%, y un public debt riba 80% (2014), IMF ta remarca cu debenan a keda halto ("elevated"). Pa 2015 ta premira un crecemento economico di 2,25%, mientras cu ta spera cu inflacion lo ta na 0,75% pa motibo di e aumento di tarifa di coriente y introduccion di health tax aña pasa.
Medidanan y reformanan fiscal ta necesario pa baha e debe, y lo tuma añas pa pone e debe baha. IMF ta reacciona positivo riba plannan fiscal pa termino medio di Gabinete Mike Eman II, pero ta haya necesario pa establece un formal medium-term fiscal framework pa aumenta e credibilidad di e plannan. Sin medidanan adicional, deficitnan fiscal lo keda halto y debe lo sigui subi.
Klik aki pa lesa e publicacion di IMF (7 mei 2015), y aki pa lesa e publicacion di Fitch Ratings (29 april 2015).
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...