Perspectiva Independiente without background 001

Gerick Croes (MEP): Gobierno hipocrita cla pa castiga pueblo cu belasting nobo di 7%!

Gerick05
Den AVP tin asina hopi coriente interno cu na dado momento ta parce cu nan no sa kiko mas pa hasi pa bende pueblo cu mas medida lo bai bin. Den e lunanan cu a pasa varios medida cu tawata casi cla pa implementa door di Minister di finansas na ultimo momento ta wordo bari for di mesa door di Prome Minister Eman. Ademas di projectonan di ley cu ta gewoon wordo hala un banda manera esun di cambio di cobransa di nummerplaat tin contradiccion constant den Gabinete Eman entre otro e discusion riba tarifa di financial transfer tax pasobra tawatin diferente version. Esaki ta bisabo dos cos 1) no tin respet pa e trabou cu ta wordo hasi door di nan experto financiero cu nan mes a recluta 2) cu Aruba tin un gobierno sin rumbo.

Diaranson durante reunion publico cu a trata cuentanan anual 2013 di pais Aruba e Minister di finansas a declara y anuncia cu lo bai bin un ABB di 7% entrante 1 januari 2016. E declaracion aki wordo confirma den un comunicado di prensa un rato despues. Pero no a dura ni un paar di ora despues cu Prome minister ta laga sa cu lo no introduci ABB cual ta e ley cu tanto tempo nan a hinca den preparacion y consulta expertonan di Hulanda. Pueblo mester ta na alerta si pasobra for di fuentenan di AVP nos por a compronde cu e wega di palabra ta pa midi aceptacion den pueblo. Apesar cu ta un wega y un strategia basta bon hinka den otro AVP no por disimula cu Prome Minister no tin nocion di e decisionan den su scochi y di berdad no sa ki pa hasi. Pasobra e la yega asina leu pa censura un minister di su gabinete! Obviamente e tin miedo cu mas detayes sali pafor cu por perhudica su gobierno.

Pueblo mester ta na altura cu den principio AVP tin varios plan riba mesa entre otro 1) hisa e ABB na 7%, 2) hisa BBO na 6%. Pa loke ta trata plan #1 e wega ta dirigi riba e cambio di nomber pasobra Prome Minister ta keda corda riba su promesa di elimina BBO y tanten esaki no sosode e sa cu pueblo lo dere den siguiente eleccion.y si e bin cu algo otro mes pueblo automaticamente ta confirma e "kiezerbedrog" cu a tuma lugar na 2013. Mester enfatisa si cu e ponencia cu e ABB aki no lo trece mas placa ta uno incorecto pasobra den rapport di CAFT ta papia cu aplicacion di ABB lo trece adicionalmente 50 miyon. Den principio tur loke ta extra no por ta budget neutral mas! #2 Awor cu Minister di finansas mes a anuncia cu ABB lo ta 7% y pueblo den un dia kier claba Prome Minister Eman na Crus pasobra 7% ta mas cu 3% e la spanta! Ta obvio cu Mike Eman no por deal cu esei y ta pesei ta hasi saltonan mortal. Tur loke ta menos pe ta aceptabel pesei e ta hasta dispuesto pa laga BBO cu su nomber original y aumente na 6%. Pero esei no ta tur pasobra partido AVP ta prepara pa cualkier scenario y na e momento cu menos bo ta spera ta bin hisa benta un otro impuesto cu nan no a papia di dje. Pueblo mester ta conciente cu e medidanan aki por bin sea for di Gabinete Eman mes of for di parlamentarionan di AVP mescos cu nan a hasi cu e aumento di 1% di BAZV na juli 2015. Un cos ta sigur cu loke sea nan bin cune NUNCA Gabinete Eman ta saliendo perdi pasobra ta ranca lo bai ranca placa inhustamente di pueblo!

Loke ta di condena ta e hipocrecia cu ta wordo hasi cu e tema. Prome minister a declara den un comunicado
cu e ABB no mester crea e posibilidad pa haci productonan mas caro. Pero si di berdad Prome Minister tanto tawata interesa den prijs di producto pakiko bo a introduci BAZV? Si tanto tawata preocupabo e schakelnan pakiko aumenta BAZV cu 2%? Pasobra considerando 3 schakel manera e mandatario ta bisa esaki ta acumula te 6%! E no ta un secreto y pueblo por a constata pa su mes cu prijsnan a subi drasticamente! Si prijs di producto di berdad tawata un preocupacion pa nos Prome minister pakiko no a pone un control ora tawata cobra BAZV/BBO na un forma inhusto perhudicando e consumidor? Mi ta haya e politica aki uno di hipocrecia paso ta critica algo pero ta bira hasi pio! Ta di lamenta cu nunca desde 6 anja di nan gobernacion a interesanan pa prijs di producto siendo cu pueblo dia aden dia afor ta victima na man di Gabinete Eman y awor cu mas medida entrante 2016 e lo empobrece e pueblo mas. Solamente un gobierno hipocrita y burdugo ta trata su pueblo di e forma aki!

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.