Perspectiva Independiente without background 001

MEP: Aumento di BBO ta demostra cu Mike Eman ta manipulador!

FraccionMep01Parlameneto diamars den oranan di marduga a aumenta e tarifa di BBO cu 1% pa hinca den fondo di AZV. Pa por compronde exactamente kiko e medida aki ta ensera, ta importante pa duna informacion tocante e historia di e belasting cu yama BBO.

Cantidad di rapport y estudio a wordo hasi pa hopi tempo, pa bin cu un belasting manera e BBO. Pero ta gobierno di MEP a demostra curashi pa introduci’e dia 1-1-2007 danki na e minister di finasas e tempo ey sr. Nilo Swaen cu sosten di sr. Nelson Oduber, hendenan cu a demostra ta con mester goberna drechi!
E decision aki tabata motibo di hopi malcontento, manifestacion, protesta den parlamento. Nos tur ta corda con manifestantenan e tempo ey a tira donderboos den e banjonan causando danjo di miles y miles di florin na propiedad publico. Hopi di esnan cu awe ta figura riba lista di AVP tabata protesta na formanan hopi extremo. Ex presidente di parlamento Mervin Wyat-Ras a wordo ofendi y insulta pa esnan cu awe ta su propio coleganan. Gobernador di Aruba a wordo menasa e tempo ey tambe, pa e NO firma e ley! E mesun hendenan cu awe ta bisa cu Gobernador MESTER firma tur cos, nan ta e mesun hendenan cu na fin di 2006 a para ariba cu gobernador no mester firma e ley.

Enfin, e ley a wordo introdusi. Pero e no a wordo introdusi sin mas, pasobra gobierno di MEP a brinda mes momento compensacion na pueblo: a baha loonbelasting, inkomstenbelasting, winstbelasting y a pone tarifa di invoerrechten riba cuminda riba 0%. Algo cu nos no ta mira awor pasa!

Despues nos a drenta campanja electoral 2009 y eynan nos a mira e actonan di manipulación mas grandi cu Aruba a conoce: a priminti cu ta bai elimina e BBO! A sabiendas cu ta e peor decision pa Aruba y finansas publico na e momento ey, toch a priminti di elimin'e y a demonisa e BBO. A bisa cu BBO a causa inflacion – pasobra e ta cumulativo y pasobra no tin control di prijs, algo cu por cierto awor a keda mesun cos! Na fin di 2009 e gobierno cu a priminti di elimina e BBO, a bin parlamento pa redusi te na 1.5%, y awor, 5 anja despues a realisa cu esey tabata e peor decision financiero pa nos pais, y awor bo ta bin his’e bek.

E decision di redusi e BBO a marca e prome pasonan di e bancarota financiero di nos pais. Y Mike Eman tabata sa esey! Pero e no a worry, tabata obvio desde un principio cu stabilidad financiero di pais Aruba no tabata den su interes, y cu e no a comprende mucho di maneho financiero. El’a crea un CAOS financiero y awo nos tin un bancarota financiero, nos a perde nos autonomía financiero y Mike Eman su régimen tin un KB riba su cabes. Awor, en bes di REDUSI of ELIMINA ta bin AUMENT’E.

Cu esaki Mike Eman a demostra un biaha mas cu e ta un mentiroso y un manipulado, y cu e parlamentarionan di AVP ta hendenan SIN principio.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.