Evelyn Wever-Croes: Mester paga BBO riba health tax y mester paga health tax riba BBO!
E introduccion pura pura di e aumento di BBO, miho conosi como “health tax”, ta causando cantidad di problema. Un problema serio ta cu ainda tin comerciante cu no a realisa cu nan mester paga BBO riba Health Tax y Health Tax riba BBO.Tambe tin comerciante cu no a logra cambia nan sistema automatisa y no ta cobrando e health tax ainda. Tur esaki lo trese problema cun’e na momento cu nan mester paga e BBO y Health Tax na januari 2015.Minister Angel Bermudez mester por a premira esaki, y pesey mes a informa Parlamento cu si e tabata tin mas tempo lo no a bin un health tax, sino algo mucho mas simple, por ehempel lo a aumenta e BBO, y lo a evita tur e confusion cu tin aworaki.
Sin embargo ta conosi cu Mike Eman ta esun cu a pusha pa bai den e direccion aki, pasobra e tin panico pa menciona cu e ta aumenta e BBO na forma directo, y a scohe pa hasi’e na forma indirecto cu e Health Tax, sin importa tur e problemanan cu tin cu e aumento aki.
E health tax ta hopi cumulativo. Pa cuminsa tin e cumulacion entre e whole sale y retail. Pero tambe awor tin BBO riba Health Tax y Health Tax riba BBO.
Tur esaki por a wordo evita si gobierno tabata mas serio, y stop di usa impuesto pa wega politico. E prome eror ta dia Mike Eman a redusi e BBO. Esey tabata e prome paso pa e bancarota financiero di nos país, un eror cu e pueblo di Aruba ta pagando hopi caro p’e.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...