Oranjestad, 4 december 2014

Drs. Mervin Wyatt-Ras ta trese padilanti di ta pendiente di tratamento di dos ley importante pa nos salud esta e ley di Calidad di cuido di salud. Wyatt-Ras hunto cu comision parlamentario encarga cu Asuntonan Social y Salud, cual e ta presidi a reuni cu un cantidad di stakeholders ariba tereno di Salubridad. A reuni cu Asociasion di dokternan di cas (HAVA), Asociasion di Specialistanan Arubano (VMSA), mediconan cu ta den servicio di Hospital (AVSD), Hospital dr. Horacio Oduber (HOH), Instituto Medico San Nicolaas (IMSAN), Algemene Ziektekosten Verzekering (AZV), Asociacion di Boticarionan, skol EPI, Organisacion di Enfermeronan Arubano (ODEA), Bond di Enfermeronan di Hospital (ABV), Stichting Algemene Bejaardenzorg Aruba (SABA), Witgele Kruis, IMSAN, Asociasion di Dentistanan Arubano, Asociacion di hygienistanan Bucal, Patienten Adviesraad y Mediconan cu a studia den region. A ricibi diferente pregunta y preocupacion di instancianan, cualnan a ser incorpora den preguntanan cu a ser haci pa minister encarga cu Salud, dr. Alex Schwengle.

Wyatt-Ras ta splica cu awor Parlamento ta den espera di e nota di contesta di minister, e asina yama “nota naar aanleiding van het verslag” den cual gobierno ta contesta preguntanan por escrito haci dor di parlamento. E ora e ley lo por ser trata den reunion publico. Parlamentari0nan mes,  segun Wyatt-Ras tin tur e informacion, entre otro obteni den reunionnan cu instancianan y locual instancianan y profesionanan a manda Parlamento por escrito pa por prepara di antemano pa e reunion. Wyatt-Ras ta spera cu den comienso di otro siman nos por trata e leynan aki.

Despues cu trata e leynan aki den Parlamento y aproba e ley, minister pa medio di landsbesluiten lo ehecuta puntonan y aspectonan di e ley. Aki ta di importancia envolvimento di e diferente profesionalnan ariba tereno di salud.

Expresionnan haci den e articulo aki no necesariamente ta refleha opinion di ArenaPoliti.co