Perspectiva Independiente without background 001

Fraccion MEP: Peticion di CFT pa un AMvRB ta confirma incapacidad di fraccion AVP

FraccionMEP02Fraccion AVP durante ultimo tempo ta duna dia pa dia señalnan di incapacidad. Durante e tratamento di presupuesto 2014 den luna di juni e fraccion signatura berde a demostra cu no a studia nan materia pero tampoco a demostra curashi pa cuestiona diferente iregularidad relaciona cu e maneho financiero y e proceso presupuestario bou di Gabinete Eman.

Promer cu e presupuesto a yega parlamento diferente organo di conseho manera Algemene Rekenkamer y Raad van advies a indica na gobierno cu e presupuesto no ta apto pa por wordo trata den parlamento pa diferente motibo entre otro e parti irealistico, cu e lo ta incompleto y incumplimento di diferente reglanan presupuestario y leynan. Gabinete Eman a ignora e conseho y a continua su rumbo. Ora di tratamento di e presupuesto den parlamento tur miembro di parlamento a haya e analisisnan di e organonan di conseho y tawata conciente di e hecho cu loke ta bai wordo trata ni mester a yega parlamento. Cual riba su mes ta un señal cla cu cosnan no tawata bon! Door di esaki y incumplimento di parti Gabinete Eman a conduci na e KB imponi cual a indica cu un investigacion mester a tuma lugar. E investigacion cu a tuma lugar a confirma e parti irealistico di e presupuesto. Esaki kiermeen cu parlamentarionan cu a aproba esaki sea ta incapas y of no a studia nan documentonan manera mester ta demostrando iresponsabilidad, curashi, y deficiencia den nan manera di pensa! E ta obvio cu parlamentarionan asina no merece confiansa di e cuidadano pasobra ta apoya algo cu ta malo y cu consecuencia pa e pueblo di Aruba.

Manera ta conoci caba e presupuesto 2014 a wordo adapta y aproba recientemente door di mesun fraccion di AVP. Lamentablemente e biaha aki no tawatin cuestionamento tampoco ni riba 2014 pero tampoco e calculacionan multi-annual. E resultado di evaluacion di CFT tawata uno di spera señalando cu ainda e presupuesto lo ta incompleto y cu e calculacionan multi-annual no ta bon splica den sentido cu no tin berekening y analisis con ta yega na cierto cifranan. Den e carta cu CFT a manda pa gobernador e colegio di supervision ta indica cu Minister di finansas a pidi CFT pa conseho riba presupuesto 2015. CFT na su lugar a señala cu nan lo no por hasi esaki ya cu no tin base legal. Es mas e propio CFT a recomenda gobierno di reino pa pone un AMvRB pa asina por keda monitorea full e proceso presupuestario y maneho financiero durante tur e añanan aki cu ta bini indicando cu practicamente e parlamentarionan di AVP no ta sirbi pa hasi nan trabou!

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.