Perspectiva Independiente without background 001

Arubahuis: Consul di Ecuador di bishita cerca minister Boekhoudt

Den Haag –  Dia 19 di december ultimo, prome cu ela bay celebra e dianan di Pasco, Consul di Embahada Ecuatoriano na Hulanda, José Luis Jácome, a haci un bishita cerca Minister Plenipotenciario di Aruba, Alfonso Boekhoudt.

Na 2012 Aruba y Ecuador a firma un Memorandum of Understanding pa facilita cooperacion entre e dos paisnan ariba diferente area. Minister Boekhoudt y Consul Jácome na e ocasion aki a reuni encuanto e avancenan como tambe e oportunidadnan nobo cu a presenta. Consul Jácome a menciona cu e vision di Aruba pa funciona como Gateway entre Europa y Latino America a atrae atencion na Ecuador, ya cu esaki por crea oportunidadnan extra pa institucionnan Ecuatoriano. Pa es motibo, y den e cuadro di e Memorandum of Understanding, ta en busca di proyectonan pa concretisa e posibilidadnan aki.

Un area cu Cosul Jácome a menciona cu Ecuador tin atencion special p´e y lo kier desaroya ta turismo. Y aki ta caminda cu e experiencia y conocemento di Aruba por hunga un rol. Na mesun momento Ecuador por ofrece conocemento den e area di agricultura. Por ehempel, aña pasa Santa Rosa a inaugura un proyecto piloto cu e tecnologia moderno di Waterbox, cu cual ta posibel pa haci plantacion usando solamente 10% di e cantidad di awa normalmente usa pa e proceso aki. Na cuminsamento di 2015 funcionarionan Ecuatoriano tin planea pa haci un bishita atrobe na Aruba, caminda lo por elabora riba e proyectonan.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.