Perspectiva Independiente without background 001

Gabinete ME II: Prome Minister Eman entre e 25 personalidadnan mas interesante di 2014

MikeEman07E ta un orguyo grandi cu Prome Minister Mike Eman a sinti na momento cu den forma sorpresivo el a haya e informacion cu su persona ta riba e lista di e 25 personanan mas sobresaliente di Caribe den aña 2014.

Su nomber ta aparece hunto cu personalidadnan manera Rihana, Usain Bolt, y Richard Branson, kendenan a percura pa nomber di nan pais resona den forma positivo rond mundo.

E nombracion aki a wordo haci door di Caribbean Journal den e articulo titula: ‘The Caribbean’s 25 Most Interesting People’. Prome Minister Eman ta e unico di Reino Hulandes cu ta den e top aki.

E nominacionnan a wordo haci basa riba personalidadnan di region di Caribe cu a haci noticia, trabou y iniciativanan interesante rond mundo. Esnan di Caribe cu a domina combersacionnan segun "Caribbean Journal" ta menciona den su introduccion cu "nos Lista di Esnan Mas Interesante pa 2014 ta contene artistanan, esnan cu tabata influyente y esnan cu a haci noticia."

Y entre e 25 nombernan aki ta aparece esun di Prome Minister di Aruba Mike Eman. Bou di su potret a pone e siguiene descripcion: "It was bold and largely unprecedented. Standing up to what he saw as Dutch interference with Aruba’s affairs, Eman launched a hunger strike in July, a move that opened eyes across the region and the world. But Eman’s been equally bold in another area — Green energy, in which Aruba has become a regional force, with a goal of becoming a 100 percent green energy island by 2020." Pues el a wordo menciona tanto pa su curashi di bay den un welga di hamber contra di loke el a mira como metemento di Hulanda den asuntonan interno, pero tambe su pasion di pone como meta pa Aruba ta 100 porcieno uzando energia renovabel pa 2020.

Por corda ainda cu den e posicion cu Prome Minister Eman a tuma den luna di juli / augustus pa bay den welga di hamber, a haya apoyo y palabranan di solidaridad for di lidernan di region. Por menciona ex Ministernan di Antia manera Don Martina, Maria Liberia-Peters, Etienne Ys y Suzy Romer, pero tambe for di Hulanda mes den persona di ex Prome Minister Hulandes Jan Peter Balkenende y personalidadnan international manera Richard Branson, Martin Luther King III en Joe Kennedy II. Tur e personalidadnan aki a apoya Prome Minister Eman tanto den su posicion pa protege Aruba su autonomia y tambe pa su maneho exitoso y visionario riba tereno di introduccion na gran escala di energia duradero pa Aruba, Locual ta duna un bon ehempel na resto di mundo.

Aruba sigur ta orguyoso di por mira cu di e forma aki cu trabounan cu ta wordo haci riba un isla chikito, ta haya reconocimento internacional.

 

Imagen

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.