Perspectiva Independiente without background 001

Evelyn Wever-Croes na Michelle Hooijboer: Ami conose director di boogaard, y abo tambe. Ami conose director di nagico, y abo tambe

Evelyn24Kiko esey tin di haber cu integridad?

Minister Michelle Hooijboer-Winklaar a habri siman cu ataquenan riba lider di MEP Evelyn Wever-Croes, cuestionando dicon Evelyn no a contesta su preguntanan ainda, cu el’a hasi siman pasa. “Na prome lugar, ta awe numa mi a ricibi e carta di e minister, cu supuestamente ela manda di siman pasa. Awe el’a drenta Parlamento y mi a hay’e mesora. Pues mi no por a reacciona prome. Pa colmo ora mi a bai lesa su contesta di 34 pagina pami comprende kiko e ta puntrando mi, mi no a haya ningun pregunta di parti di e minister. Pues e no a mandami ningun pregunta. Con e kier pa mi contest’e?

Na di dos lugar, ta bon pa e minister realisa cu e trabou di un Parlamentario ta controla y cuestiona maneho di e ministernan especialmente ora un medio di comunicacion importante na Aruba tin 3 siman ta cuestiona posible  iregularidadnan, y e minister a scohe pa keda keto pa 3 siman. Ta pesey mi a hasi e preguntanan segun Constitucion ta stipula, y pues mi tambe ta haya e reaccion rabia di e minister un poco asomboroso y te hasta infantil. Sin embargo mi no tin ningun problema pa contesta e minister via prensa: ami conoce e director di Boogaard, y abo tambe conos’e. Ken no conoce e director di Boogaard na Aruba? Ami conoce tambe e director di Nagico, y abo tambe conoce. Awor bo por splicami ta kiko esaki tin di haber cu integridad?” tabata e prome reaccion di sra. Evelyn Wever-Croes.

E Parlamentario ta insisti cu su preguntanan ta relaciona cu e hecho cu den prensa e integridad di e minister a wordo cuestiona, y e minister no a reacciona. Mesun cos e Parlamentario a hasi direccion di minister Paul Croes y minister Mike de Meza, cual nombernan tambe ta wordo menciona den prensa den relaciona cu negoshinan stranjo den gobierno. E Minister no tabata tin motibo di rabia, e por a sigi ehempel di Minister Paul Croes, cu a contesta e preguntanan mesora, y al caso.

Pa loke ta e pregunta di e minister si awor si Parlamentario Wever-Croes ta conbensi cu e destaho a bai bon, e Parlamentario a bisa “mi a pasa ariba ariba den e pakete di 34 pagina cu e minister a mandami, pero mi kier studi’e mihor prome cu mi reacciona. Di awor caba mi por constata si cu tin inconsistencianan entre e declaracion di e minister na fin di december y awor, inconsistencianan cu ainda e Minister mester splica. “E minister awor kier papia di integridad. Integridad bo ta defende door di actua MESORA pero no ora bo ta sinta 3 siman man crusa, y bo ta dicidi di reacciona despues di 3 siman ora un Parlamentario cuestiona bo. Asina bo no ta defende integridad ni di bo, ni di bo esposo”, líder di MEP Evelyn Wever-Croes a finalisa.
Mep brief MinOnd 26jan2015

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.