Perspectiva Independiente without background 001

Gabinete ME II: Minister Mike de Meza ta sumamente orguyoso di mira resultado di assessment di IMF

MdM01
ORANJESTAD - Minister Mike de Meza, kende ta encabesa Ministerio di Asuntonan Economico desde fin di 2013, a expresa den un conferencia di prensa di gobierno diamars mainta cu e ta sumamente orguyoso di a mira e resultado di e evaluacion mas recien di IMF. E declaracion na final di e mission tecnico ta confirma cu e escogencia di e gobierno actual, esta pa enfoca riba e bienestar social economico banda di e cifranan y no solamente riba e cifranan tabata e miho pa nos pais.

E mandatario a splica cu Aruba a pasa den cinco aña unda e situacion tabata hopi fragil. Gobierno a percura como un di su prioridadnan pa Aruba su economia no stagna y/of bay atras. A pasa den hopi problema sin a introduci un cantidad di medida pa resolve e situacion di falta di entrada for di e refineria y pa acapara e impacto di e crisis financiero economico mundial.

Segun Minister Mike de Meza, hopi biaha nos no kier wak patras, pero hopi biaha bo mester wak ta di unda bo a bin pa bo sa si bo ta riba e bon rumbo bayendo dilanti. Tambe a splica cu mester wak patras y considera tur e decisionnan cu gobierno a tuma pa salbaguardia economia di Aruba, incluyendo inversionnan den nos isla y proteccion pa esunnan mas vulnerabel, como tambe factornan cu ta beneficia e comunidad en general. Ehempel segun e Minister ta manera e rebaho di e tarifanan di awa y coriente, cu a yuda confronta e efectonan di retonan externo y interno cu tin influencia riba economia di Aruba.

E titular di Asuntonan Economico, Comunicacion, Energia y Medio Ambiente a bisa cu ta confirma cu Aruba no solamente tabata un di e paisnan mas afecta den nos region, pero un di e paisnan mas afecta na mundo. Motibo tabata e crisis economico financiero. Si bo compara e crisis a azota Aruba tres biaha mas hopi cu Hulanda.

Unda cu hopi pais a confronta bancarota pa un caida di entre 2 pa 6% di nan economia, Aruba a sa di sobrevivi un caida di casi 15% entre 2009 y 2010. Tambe Minister de Meza a remarca cu nos pais a sa di recupera riba su propio capacidad economico, financiero y humano. E efectonan ora e refineria a cera atrobe na 2012 tabata dramatico. Aki so Pais Aruba a bay atras cu 25% den su entradanan, pero asina mes a sigui, a tuma decisionnan fuerte y clave y a lucha pa sigui mantene un balansa pa por yega na un situacion pa sigui pusha bay dilanti, el a agrega.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.