Perspectiva Independiente without background 001

Andin Bikker (PDR): Ami nunca a combersa cu Otmar Oduber ni prome, ni despues cu ela bay Gobernador. E ta un cobarde

AndinBikker06
Awo cu a sali na cla cu minister Otmar Oduber claramente ta pensa riba su interes personal paso ela bay pidi tereno di huur pa “planta”, diripente e kier bin purba kita atenshon lansando rumor falso cu mi persona lo a combersa cune pa bira lider di PDR y cu e lo tin mensahe di telefon dimi warda pa cu e rumor aki: nonsense! Loke e mester splica Pueblo ta con ela dobla pa Mike Eman den un par di dia (pok, pok, pok, pok!) despues di su “9 puntonan” di un carta cu te dia di awe ta fantasma. Den mi humilde opinion ta bisto cu ela gewoon dobla pa Mike Eman pa e haya cosnan personal. Enves di bruha tera mi ta reta Otmar Oduber pa e contesta riba mi ponencia cu ela actua contra articulo 3:14 di Codigo Civil, contra principionan di bon Gobernashon y di Integradad dor di pidi un tereno pa su mes pa supuestamente bay planta. Den e proceso ey ela expone pais Aruba na un otro posibel Koninklijk Besluit, awo riba tema di intergridad, y tambe na claimnan huridico, ja cu tin hopi hende humilde cu no ta minister amigo di minister Sevinger, cu a solicita pa tereno di huur hopi prome cu Otmar Oduber y nunca a haya un “dezerzijds akkoord” den un tempo record! Pues minister Oduber ta suppose di cuida mangel y ela a bira come for di e caha. PDR no ta interesa den tipo di gobernante asina: pakiko Otmar Oduber no a cumpra un tereno eigendom, si ta planta e kier bay planta? Dicon e mester haya preferencia riba e Pueblo humilde pa haya tereno di huur? Otmar Oduber no ta sinti den su fibra como un ser humano cu ta suppose di sirbi Pueblo, cu loke ela haci no por? Mi reaccion mester a afecte hopi duro pa ela baha na un nivel asina, pero anyway, e tin titulo di bully, dus eigenlijk no por spera mucho mas nivel.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.