Perspectiva Independiente without background 001

Glenbert Croes: No por acepta cu 5 anja di desastre di AVP desacra Status Aparte y libertad di nos Pueblo

Glenbert07
Nos Digno Pueblo lo ta enfrentando un decision fundamental pa nos tur haci como cuidadano y tata y mama di famia y como famia na Aruba. En todo caso un conclusion pa nos tur ta importante: NO POR ACEPTA CU 5 ANJA DI DI DESASTRE DI AVP DESACRA STATUS APARTE Y LIBERTAD DI NOS PUEBLO. Facil pa bisa: kiko nos tin na Status Aparte y nos Libertad cu nos a haya cu nos Status Aparte? E contesta ta facil: CORDA ARUBA PROME CU 1 DI JANUARI 1986, AWOR MIRA ARUBA SU PROGRESO DESPUES DI E STATUS APARTE CU NOS DIGNO PUEBLO A HAYA 1 DI JANUARI 1986. Ta danki na e Status Aparte di Aruba y e Libertad cu nos Pueblo a haya pa determina nos propio destino, Gobiernonan, Parlamentonan, nos Digno Pueblo por a encamina un caminda di progreso, oportunidad y desaroyo rond di henter nos Isla y PA HENTER NOS PUEBLO.

STATUS APARTE Y NOS LIBERTAD ta e INSTRUMENTO PA DESAROYA NOS ISLA, E INSTRUMENTO PA LOGRA PROGRESO Y E GARANTIA PA NOS DUNA NOS PUEBLO E PROSPERIDAD VERDADERO PA HENTER NOS PUEBLO Y TUR SIN EXCEPCION CU A HASI DI NOS PAIS NAN HOGAR. Ta pesey nos mester defende SAGRADAMENTE e STATUS APARTE Y LIBERTAD cu nos Digno Pueblo a lucha pe y a logre bao liderazgo di nos INOLVIDABLE LIDER awe den felis memoria nos eterno LIBERTADOR: GILBERTO F. BETICO CROES.

E Lucha no tawata facil. Sanger a wordo derama pa e libertad di nos Pueblo cu awe ta e herencia y patrimonio di nos Pueblo, e ta e derecho sagrado inalienable di nos Juinan y nan futuro generacionnan. NOS PUEBLO BAO LIDERAZGO DI NOS LIBERTADOR A SACRIFICA NAN BIDA PE, CON PORTA AWE NOS TA DISPUESTO PA TOLERA TA SEMEHANSA DESACRAMENTO DI NOS STATUS APARTE Y LIBERTAD? AVP NO SA BALOR DI NOS STATUS APARTE Y LIBERTAD. CON NOS COMO PUEBLO POR ACEPTA E ENTREGA Y DESACRAMENTO DI E PATRIMONIO Y DIGNIDAD MAS SAGRADO DI UN PUEBLO: SU LIBERTAD…SU STATUS APARTE…SU IDENTIDAD Y EXISTENCIA COMO PAIS Y PUEBLO? Pensa bon kiko nos kier haci pa sigura nos juinan, futuronan di nos Pais un bon futuro manera nos bieuwnan a laga pa nos. E DEBER DI NOS TA: LAGA UN MIHO ARUBA PA NOS JUINAN ATRÁS CU NOS BIEUWNAN A LAGA PA NOS. ESEY TA E DEBER SAGRADO DI NOS GENERACION. E DECISION TA DEN NOS MAS. BAN TUMA E DECISION. E GOBIERNO AKI CU A VIOLA E CONFIANSA DI NOS PUEBLO, NO TIN CONFIANSA MAS DI NOS PUEBLO Y NO MERECE CONFIANSA DI NOS PUEBLO MAS TAMPOCO. GABINETE MIKE EMAN 2 A PERDE ESAKI Y SU LEGITIMIDAD. ORA ZERO PA AVP A YEGA.

Glenbert F. Croes – Miembro di Parlamento pa Fraccion di MEP

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.