Perspectiva Independiente without background 001

Booshi Wever (UPP): Joepi!! Presupuesto 2015 a wordo firma! E ta yen di medida y ainda falta mas medida?

UPP01
Ta parce cu atrobe e gobierno actual ta den un euforia, pasobra Gobernador a firma e presupuesto 2015, cu por cierto ta contene un cantidad di medida contra nos pueblo.
E pregunta ta awor si en berdad nos mester ta den un euforia asina y si esaki lo dura hopi. Den varios articulonan anterior y den entrevistanan UPP a bisa cu den e presupuesto 2015 tin mas VENENO cu kier laga pasa cu tin.

Manera ya a ser bisa, e presupuesto aproba pa 12 miembro di e fraccion di AVP, ta contene hopi medidanan cu lo bay haci cu nos pueblo lo ta esun cu lo ser hiba pa e altar di sacrificio, pa e gobierno aki sigui derocha placa. Nos a yega di puntra caba cu ta te ki dia nos lo keda acepta e abusonan aki? Ta hamber mester dal nos hendenan pa nos lanta y para esaki?

E veneno cu nos ta referi na dje, ta e loke ta para den e presupuesto 2015, y tambe loke Raad van Advies ta bisa. Loke den mi concepto a core manera un linea cora den henter e presupuesto, ta e hecho cu mester busca tur manera pa haya prestamo na interes hopi abow, pa asina ey yega na un presupuesto balansa. Esaki no solamente lo yuda baha e debe cu Aruba tin, pero tambe lo baha e gastonan general cu basta miyon. Y gobierno ya caba ta traduci esaki den e cifranan di presupuesto. Pues incluyendo esaki, lo yuda na baha e deficit.

Segun e minister di finansas e medidanan cu ya a ser aproba HUNTO cu e prestamonan na interes abow, lo por bay cumpli cu loke a ser acorda den e acuerdo di TRAICION di dia 2 di mei 2015.
Esun cu kere cu esaki ta berdad, ta keda bon ekiboca. Den medionan social por a tuma nota di declaracionnan di Plasterk den Tweede Kamer, riba pregunta di parlamentario Bosman, cu si ya caba tin palabracionnan haci entorno prestamonan na interes abow; Plasterk su contesta tabata categorico: "NO"!!
Kiko esaki ta nifica?? Hopi lo no pone mucho atencion na e contesta aki, pero den nos opinion, esaki ta devastador pa Aruba y su pueblo. Hopi lo puntra devastador dicon? Haya un prestamo na interes abow, cu lo por yuda Aruba ta bon toch?
Wel, eynan e veneno ta.
Ta zomaar lo haya e prestamo na interes abow? E contesta ta un otro "NO"!! E unico manera pa por logra convence Hulanda pa yuda Aruba haya un prestamo na interes abow, ta: TUMA MAS MEDIDA CONFORME E ACUERDO DI DIAHUEBS SANTO!!!
Pa ilustra cu nos pueblo mester cuminza prepara pa mas medida doloroso, mi ta cita e pregunta di Bosman y e contesta di Plasterk: "Ik (Bosman) sluit af met de volgende vraag. Kan de minister mij verzekeren dat er geen sprake kan zijn van een lening van Nederland aan Aruba zolang deze financiële wanorde bestaat?”
Minister Plasterk su contesta tabata cla y raspa y categorico: “Ja. Er ligt ook geen verzoek van Aruba om in aanmerking te komen voor de lopende inschrijving in Nederland. Het is op dit moment dus niet aan de orde. Ik hoop overigens dat er een moment komt waarop het wel aan de orde kan zijn. Dat zou de situatie van de overheidsfinanciën op Aruba namelijk zeer verlichten, maar daarvoor moet eerst de begroting weer op orde zijn."
Pues "mas claro no canta un gallo".
Manera ta ser bisa na Hulandes: "Maak je borst maar nat"!
Den e acuerdo di Diahuebs Santo tin HOPI mas medida den tapara pa masacra e pueblo, pa asina ey ministernan por sigui bira miyonario, y compinchinan sigui hinca placa di pueblo den nan saco.


Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, 20 di mei 2015

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.