Fraccion di MEP a reuni cu SETAR pa pone su mes na altura di e ultimo desaroyonan den e compania di telecomunicacion. Segun lider di fraccion Evelyn Wever-Croes nan ta reuni cu varios actor importante den comunidad pa asina ta mihor informa pa eherse nan trabou den Parlamento. Den e cuadro aki tambe ta sondea kiko ta e problemanan mas serio cu mester di atencion pa asina por brinda solucionnan na momento di trata e presupuesto 2015.
"Nos tabata tin un bon reunion cu sr. Roland Croes, y a wordo informa di e ultimo desaroyonan den e compania estatal. SETAR ta duna trabou na mas di 400‎ mama y tata di famia, y ta aporta substancialmente na caha di gobierno y na economia di Aruba. Nos tin un mihor bista awor di tur e desafio nan cu e compania tin, y esey lo yuda nos na momento di trata e presupuesto pa 2015", Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co