Perspectiva Independiente without background 001

Parlamentario mr. Juan Ady Thijsen (MEP): Den un democracia bibo Ministronan cu no ta traha dentro di cuadra di ley y principionan di bon gobernacion tin cu carga consequencia

Ady10
Segun Parlamentario mr. Juan Ady Thijsen no ta asina cu Ministronan por actua free for all. Tarea di gobernantenan ta regla den nos constitucion: 'E país ta ser goberna pa un conseho di Ministro encabeza pa un Prome Ministro. Cada ministro ta dedica su mes na un parti specífico di e gobierno y ta jefe político di su propio ministerio. Prome cu nan tuma nan encargo Ministronan ta huramenta dilanti gobernador cu ni directo ni indirectamente nan lo duna of cumpli cu promesanan na algun persona , sea quien sea cu e ta, y ta huramenta tambe di no ricibi regalo ni directo ni indirecto. Segun Parlamentario mr. Juan Ady Thijsen ora un Ministro faya cu error grave manera den caso di ser acusa di favorece un persona of compania violando tur principionan di bon gobernacion y su huramentacion dilante gobernador den un democracia bibo parlamento tin e poder di pidi e Ministro rindi cuenta na parlamento y si parlamento haya cu e Ministro a faya parlamento por tuma un mocion di desconfianza pa baha e Ministro. Actualmente e democracia na Aruba den e sentido aki ta morto segun Parlamentario mr. Juan Ady Thijsen ya cu e parlamento mayoritario actual no ta haci su trabao debido y ta acepta sin mas tur mal actuacion di Ministronan. Sinembargo den e reunion publico di 5 di september Fraccion di MEP a bin cu pruebanan hopi pisa contra Ministro Sevinger. Ministro Sevinger ta ser acusa di a favorece un persona y su compania contra tur reglanan na unda personal pa cual Ministro Sevinger ta responsable pe a practica proceduranan inaceptable den cualkier bon gobernacion. Fraccion di AVP tambe a pidi Ministro Sevinger pa defende su mes riba e acusacionan serio aki. Un otro caminda cu segun Parlamentario mr. Juan Ady Parlamentario nos constitucion y leynan a introduci manera pa frena free for all dor di Ministronan ta e e caminda di castigo penal. Den cuadra di esaki Parlamentario mr. Juan Ady Thijsen tin entendi cu tin ciudadanonan a acudi na Ministerio Publico cu documentonan contra Ministro Sevinger. Segun Parlamentario mr. Juan Ady Thijsen pueblo ta pendiente con e reunion lo sigi y wak kiko lo sucede cu e acusacionan grave presenta contra Ministro Sevinger pa mira con bibo nos democracia na Aruba ta. Segun Parlamentario mr. Juan Ady Thijsen Fundacion Mito Croes por traha mil rapport pa Mike Eman pero esaki ta cosnan essencial cu mester drecha riba nos pais.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.