Perspectiva Independiente without background 001

MEP: Partido MEP den preparacion pa e cambio den 2017

161120 mep retreat 1
PIEDRA PLAT -- Partido MEP den fin di siman un biaha mas a tene un retreat pa sigi cu e preparacionnan pa eleccion 2017. E partido ta mas fuerte cu nunca, y e animo ta halto.
Manera lider di MEP a anuncia algun siman pasa, e plan di campanja ta cla, e programa di partido cu e vision y solucionnan di MEP tambe cla, y materialnan di campanja ta na caminda, y ta preparando e cambionan necesario riba e lista di MEP.
Lider di MEP a hasi'e un prioridad pa inverti den e candidatonan y presidentenan di directiva, pasobra ta esey ta e equipo cu ta carga e partido.
Mas y mas persona, cu den pasado a perde confiansa den e partido, ta uniendo bek na e partido. Esnan cu ta realisa cu e AVP ta un partido di promesanan falso.
Cu e lider di AVP ta un persona swak y debil, cu ni por wanta su gobierno hunto. 3 minister a bula afo caba, hasta e presidente di parlamento a bula afo, y nan ta representa sigur 3 pa 4 di e asientonan di AVP.
Esey ta un di e motibonan cu e encuestanan ta mustra cu MEP ta cresiendo y AVP ta bahando den popularidad, pasobra mientras den AVP tin un pleito tras di otro, den MEP tin union y stabilidad. Y esey ta locual pueblo kier, un partido honesto, un partido stabil, pa soluciona e problemanan den nos pais. 
161120 mep retreat 2
161120 mep retreat 3
161120 mep retreat 4
161120 mep retreat 5

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.