Perspectiva Independiente without background 001

Rudy Richardson (MEP): San Nicolas lo briya bek cu MEP manera aña 40 y 50. San Nicolas lo no biba na rudia mas!

RudyRichardson04
Ta logico cu lo purba un bes mas pa gaña e votadornan di San Nicolas manera semper. Partido AvPor lo haci nan maximo esfuerso pa strategicamente busca sosten cerca e Arubanonan di pariba di brug. Nos a wordo humiya den tur sentido desde 2009 cu prijsnan di gasolin haltisimo combina cu e wear and tear di nos autonan cu ta buta cu nos tin menos entrada cu esnan biba pabao di brug. Nos bida social/deportivo y cultural ta na suelo. Desde 2009 e líder di AVP Michael (Mike) Eman a laga Valero mete den nos politica interno, priminti e multinacional cu lo elimina BBO di 1% anto trek in e caso na Hulanda den corte di arbitrahe. MEP tawata tin e caso aki gana y a laga tambe 970 Miyon den caha di pais Aruba cu un debe nacional di 42% segun normanan internacional. 

Economia tranca 
Desde 2012 San Nicolas a bira un ghost town cu algun bar di animeermeisjes cera. Tur e damanan aki gespart rond den cayanan di San Nicolas asina buta San Nicolas su comercio na rudia. Nada no a wordo haci pa Gabinete Mike Eman I y II. Gremionan a tuma tur e abusonan aki y no a percura pa un plan pa salba e dignidad di e area tampoco. E campaña aki AvPor lo papia di e Green Corridor (bendemento di bid), e proyecto mas corupto di Mike Eman combina cu e expansion di Hospital y Ringweg III. Con lo paga pa e proyectonan aki? Mike Eman no kier bisa pueblo e realidad. Mas belasting den un economia tranca desde 2015 cu 0,0% crecemento economico. Ami a propone desde 2013 un San Nicolas cu un desaroyo Social Economico cu cuponan di trabao mas cerca di cas. Mas tempo social pa e nucleo di famia. Mas tempo pa deporte, arte y nos bida spiritual. NIUN otro politico di AVP a trece e ponencianan aki padilanti. Al contrario nan a ofrece dependencia politico, BBQ y bebida semi-gratis. 

Fair share pa San Nicolas 
San Nicolas no mester hotel na Seroe Colorado of Baby Beach. Esaki ta otro traicion di AvPor pa kita e ultimo recursonan di nos digno pueblo. Nos di Movimiento Electoral di Pueblo tin un MASTERPLAN completo cu lo wordo divulga muy pronto. Nos no lo tuma San Nicolas haci manera Mike Eman y su gobierno cu hala di promesanan bashi manera Hoge School di Rotterdam, Art Deco District, Wynwood Murals di Miami, Florida, Plan New Orleans, Cultural Heritage City y hala di storia mas sin sentido. Nos lo percura pa San Nicolas haya su fair share un bes MEP den gobierno 2017-2021. Keda pendiente pa nos masterplan di Movimiento Electoral di Pueblo y ban uni pa un Aruba mas progresivo pa un y tur. No cay den e mesun trampanan di politiconan di AvPor cu a hiba Aruba te den abismo te 2040 plus. 

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.