Perspectiva Independiente without background 001

Parlamentario Glenbert Croes (MEP): MEP lo combati criminalidad cu man duro

Glenbert13
Aruba mester bira safe atrobe. 

Despues di reunion publico cu MEP a pidi cu caracter di urgencia unda ni gobierno di AVP y Minister Dowers no kier a ni reconoce cu nos tin un problema grave cu criminalidad for di control na Aruba. Sr Glenbert Croes ta elabora mas riba esaki y riba e plan di Partido MEP den e proximo gobernacion di MEP. 

“Nos como MEP tawata desea tende cu gobierno ta reconoce cu tin un problema grave pero alcontrario, fraccion di AVP- Gobierno di AVP y Minister Dowers kiermen cu criminalidad a baha segun. 

Ta pone nos di MEP conclui cu e Gobierno di AVP cu ta esun cu a permiti criminalidad sali for di man den e ultimo 8 añanan aki, AVP no tin e capacidad ni e boluntad pa combati criminalidad pa asina haci Aruba safe atrobe.
MEP lo combati criminalidad cu man duro y nos lo trece siguridad bek den tur bario aki na Aruba #sinmiedo. 

MEP lo reintroduci den e gobierno nobo di MEP despues di e eleccion di september 22 proximo: 
1.       MEP lo bin bek cu e helicopter di polis 
2.       MEP lo bin bek cu radarnan marino 
3.       MEP lo bin bek cu e visibility team 
4.       MEP lo bin cu 160 polisnan extra cu cuerpo policial mester 
5.       MEP lo bin cu un maneho nobo y humano pero estricto di LTU 
6.       MEP lo duna polis autoridad bek
7.       MEP lo intensifica e cooperacion cu marina real riba e terreno di kustwacht
8.       MEP lo inverti den prevencion pa asina nos preveni criminalidad  y no solamente combati criminalidad
9.       MEP lo percura pa nos hobennan haya un segundo oportunidad berdadero pa asina nan por haya trabao y cuminsa un bida nobo

E momento a yega pa nos salba nos pais y salba e futuro di tur e yuinan di nos pueblo pa nan por lanta den un Aruba safe hunto cu nan famia.
Turistanan lo ta safe atrobe pa nan por disfruta di Aruba den tur paz y trankilidad. E gobierno nobo di MEP ta unico salbacion pa logra esaki. Nos digno pueblo tin e salbacion den nos tur nos man 22 di september proximo. Ban hunto p’e cambio. #sinmiedo”, sr Croes ta bisa.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.