Dia 1 di april 2017 RST, FIOT, FIOD, Polis, Landsrecherche y Koninklijke Marcheusse a haci un inval na cas di minister di labor y hubentud Paul Croes. E inval a wordo haci pa motibo di un investigacion grandi cu tawata andando for di hopi tempo despues cu ministerio publico a haci un feitenonderzoek y a dicidi di busca mas evidencia. Na momento cu RST y FIOD haci un inval na cas di un minister di e manera aki ta pasobra tin cosnan hopi serio tumando lugar. 

Ministerio publico a bisa cu Paul Croes ta e sospechoso principal den e caso aki y e ta ta wordo acusa di participa activamente y pasivamente den bendemento di permiso. E ta wordo acusa di labamento di placa. Banda di esaki na momento di e inval un trahador illegal a wordo gara ta labora na su cas na e momentonan ey. Ki clase di ehempel un minister di labor ta duna na communidad na momento cu na su cas e mes ta promove illegalidad. Basa riba e solo hecho aki e minister lo mester a tene honor na su mes. Ki mensahe e minister di labor ta manda pa nos pais. Ki senjal bo ta manda pa nos hendenan na momento cu abo NO ta tene bo mes na e reglanan basico di un pais. Anto mas peor aun, un minister di hubentud.

A raiz di tur e escandolonan cu a pasa nos fraccion di MEP a solicita un reunion publico di caracter di urgencia pa trata e caso di Paul Croes. Nos a haci e peticion 2 dia despues cu e inval a tuma lugar y lamentablemente te dia di awe cu ta 20 di april 2017 ainda presidente di parlamento NO kier yama e reunion aki. E presidente di parlamento tin 30 dia segun e reglamento di ordo pa yama e reunion aki y na momento cu e no ta ta yame e reunion e ta violando e reglamento di ordo aki. Nos no por compronde pakiko e presidente di parlamento tambe ta participa na e corrupcionan cu tin actualmente di bendemento di permiso. E mester sa su trabou y e mester haci su trabou y cumpli cu su obligacionan manera debe ser y manera ley ta prescribi.  

Nos punto di salida ta cu un minister manera Paul Croes simplemente NO por keda. Un mocion di desconfianza contra su persona ta mas cu na su lugar.

Segun Baba Herde bo ta entrega un mocion di desconfianza contra un minister ora un minister tuma decisionan robez, actua contra ley of comporta contra moral y etica.

Paul Croes a duna 2000 ONTHEFFING pa hendenan por drenta mercado laboral. E la duna ONTHEFFING pa security guards (manera na Aruba NO POR HAYA SECURITY). E la duna ONTHEFFING pa jardinero (manera cu na Aruba no tin jardinero) manera cu na Aruba NO por haya jardinero. E la duna ONTHEFFING pa trahadornan cu ta labora na negoshinan cu tin 2 anja sera! E la duna ONTHEFFING via whatsapp. Ta fiesta tawata tin y asina e tawata promove su proyecto BAN TRAHA, DUNANDO ONTHEFFING!

E la kita pan di 2000 hende na Aruba.E ta wordo acusa di participa activamente y pasivamente den bendemento di permiso. E ta wordo acusa di labamento di placa. Awor si esakinan NO ta suficiente pa entrega un mocion di desconfianza anto e ora NUNCA un minister NO por wordo baha na Aruba.

Paul Croes a actua contra ley, e e la comporta contra moral y etica y riba dje a gara un trahador illegal na su cas laborando. Si e decisionan cu paul Croes a tuma no ta robez, no ta contra etica y moralidad kiko si lo ta contra pa AVP! AVP ta  un partido sin respet, sin moralidad y sin integridad!

Expresionnan haci den e articulo aki no necesariamente ta refleha opinion di ArenaPoliti.co